SHBA: Iku kryeprokurori që refuzonte të ndiqte politikanët
Protesta, ambasada e SHBA, qytetarëve: Ka raste dhune, monitoroni mediat "Dënojmë dhunën. Reforma në drejtësi po zbatohet"
Ambasada e Shteteve të Bashkuara të Amerikës reagoi dje pas protestës së opozitës, ku nëpërmjet një deklarate shprehet se dënon me forcë dhunën që ndodhi në protestën e sotme në Tiranë. Gjithashtu, në deklaratën e ambasadës shkruhet se Prokurori i Përgjithshëm, i cili refuzonte të ndiqte penalisht politikanët ka ikur, ndërkohë që shton se qytetarët presin me padurim drejtësi dhe politikanët kanë frikë. "Ambasada e Shteteve të Bashkuara dënon me forcë dhunën që ndodhi në protestën e sotme ( djeshme) në Tiranë. Ne mbështesim të drejtën e qytetarëve për të protestuar paqësisht, por dëmtimi i pronës publike, hedhja e granatave tymuese në Parlament dhe dhuna nuk janë të pranueshme. Ne u bëjmë thirrje të gjitha partive që të tregojnë vetëpërmbajtje dhe të nxisin qetësi. Populli shqiptar nuk duhet të habitet që politikanët e tyre po luftojnë njëri- tjetrin. Kjo do të thotë se reforma në drejtësi më në fund po zbatohet. Komisionet e vetingut do të kenë së shpejti rezultatet e tyre të para. Prokurori i Përgjithshëm që refuzonte të ndiqte penalisht politikanë është i ikur. Së shpejti do të shohim krijimin e SPAK- ut dhe BKH- së, të cilat do hetojnë dhe ndjekin penalisht zyrtarë të korruptuar të nivelit të lartë. Qytetarët shqiptarë presin me padurim për drejtësi. Dhe politikanët kanë frikë", thuhet në deklaratën e ambasadës së SHBA. Më herët kjo ambasadë njoftoi dje të gjithë qytetarët e saj të jenë të kujdesshëm pas situatës së protestës së opozitës në Tiranë. "Ambasada e SHBA- ve informon qyteta-
rët amerikanë se demonstrimet para ndërtesës së Parlamentit në Tiranë vazhdojnë. Është raportuar për raste dhune. Ju lutemi të monitoroni raportimet e medias për ndryshimet e kohës dhe të vendndodhjes dhe rregulloni planet sipas nevojës. Am-
basada e SHBA nuk është e vetëdijshme për ndonjë kërcënim specifik ndaj shtetasve ose interesave të SHBA", thuhet në njoftim. Ambasada u kujton qytetarëve të SHBA- ve se edhe demonstrimet dhe ngjarjet e mëdha që synojnë të jenë paqë- Kreu i shtetit dekoroi dje ish- kreun e SHISH, Visho Ajazin, me "Dekoratën e Artë të Shqiponjës". Meta vlerësoi ishdrejtorin e SHISH për kontributin e tij të veçantë në fushën e sigurisë kombëtare, luftës kundër terrorizmit dhe në veçanti në luftën kundër krimit të organizuar e trafikut të drogës.
sore mund të kthehen në konfrontime. "Shmangni fushat e demonstratave dhe ushtroni kujdes nëse ndodheni në afërsi të ndonjë tubimi të madh, protestave ose demonstrimeve. Tubimet e mëdha publike mund të ndikojnë në të gjitha arteriet e mëdha hyrëse në qytetin në të cilin ndodhin. Demonstratat në një qytet kanë potencial për të udhëhequr në mitingje apo demonstrata të tjera publike në vende të tjera të qytetit dhe vendit. Shqyrtoni planet tuaja personale të sigurisë, mbetni të vetëdijshëm për rrethinën tuaj, duke përfshirë ngjarjet lokale dhe të monitoroni stacionet lokale të lajmeve për përditësime. Ruajtja e një niveli të lartë të vigjilencës dhe marrja e hapave të duhur për të rritur sigurinë tuaj personale dhe për të ndjekur udhëzimet e autoriteteve lokale", thuhet në njoftimin e ambasadës së SHBA. Njoftimi mbyllet: "Qytetarët e SHBA- ve duhet të shmangin zonat e demonstratave dhe të tregojnë kujdes nëse ndodhen në afërsi të ndonjë tubimi të madh, protesta apo demonstrime. Edhe demonstratat që synojnë të jenë paqësore, mund të kthehen në konfrontime dhe të shkallëzohen në dhunë".