Kryeprokurorja, Rama: Zgjedhja, plotësisht e ligjshme
Kryeministri: Opozita la nam në Kuvend, faturën e kësaj shfaqjeje e merr Shqipëria "Bëra sa munda për dialog, ndjesë shqiptarëve e ndërkombëtarëve"
Kryeministri Edi Rama deklaroi dje, se i kishte ezauruar të gjitha rrugët për të dialoguar me opozitën për zgjedhjen e Prokurores së Përgjithshme të përkohshme. Në një komunikim me mediat, pas zgjedhjes së Arta Markut, në Kuvend, Rama u kërkoi ndjesë shqiptarëve, por edhe partnerëve ndërkombëtarë për "shfaqjen më të fundit të përpjekjes së dëshpëruar për bllokimin e reformës në drejtësi". "Shfaqjen e sotme e dha opozita, por faturën e kësaj shfaqjeje e merr fatkeqësisht përsëri, e gjithë Shqipëria, e cila është më afër se kurrë çeljes së negociatave për anëtarësim në Bashkimin Europian dhe nuk e meriton as baltën, as tymin, as dëshpërimin e kësaj opozite, që prej dy vitesh udhëhiqet nga frika e reformës në drejtësi",- u shpreh kryeministri.
"Bëra sa munda dhe sinqerisht, nuk e di çfarë mund të bëja më shumë, për të çelur dialogun me opozitën lidhur me zgjedhjen e prokurorit të përkohshëm. As kërkesat e përsëritura të Shteteve të Bashkuara dhe të Bashkimit Europian, për të gjetur një zgjidhje me mirëkuptim, nuk mjaftuan dot për ta sjellë opozitën në tryezën e dialogut për këtë çështje",theksoi Rama. Por, ai theksoi: "Zgjedhja e Prokurores së Përgjithshme me mandat të përkohshëm me vetëm me votat tona ishte një zgjedhje plotësisht legjitime, kushtetuese, e konfirmuar shkresërisht edhe nga misionet e drejtësisë së Shteteve të Bashkuara dhe të Bashkim- it Europian, të cilat asistojnë qysh prej ditës së parë, procesin e vështirë të reformës në drejtësi. Por nuk ishte zgjedhja e dëshiruar prej nesh, apo prej meje personalisht". "Ne dëshironim një "Adriatik Llalla, të cilin dua ta falënderoj sot për punën dhe kontributin e tij në një detyrë të vështirë, ku në më shumë se një rast, prokuroria ka vepruar me hetime dhe me ndjekje penale edhe ndaj përfaqësuesve të Partisë Socialiste në qeveri, në nivel qendror dhe vendor, nuk u pengua kurrë e as u sulmua kurrë nga qeveria që unë drejtoj, sepse ne jemi ndryshe dhe kurrë nuk e përdorim fuqinë e pushtetit, për të bërë presione të hapura",- tha dje, Rama. zgjedhje me mirëkuptim, përmes dialogut me opozitën, të cilën e ftuam pa pushim në tryezë, deri në fund, sepse për ne nuk kishte rëndësi thjesht dhe vetëm të respektohej Kushtetuta dhe ligji, si dhe të përmbushej ky detyrim i procesit të reformës në drejtësi, por ishte, gjithashtu, me rëndësi që këtë detyrim ta përmbushnim bashkërisht me opozitën",- theksoi Rama. Sipas tij, Adriatik Llalla është i pari në 27 vjet, që largohet nga detyra pas mbarimit të mandatit kushtetues, pa asnjë konflikt me shumicën qeverisëse. Në fjalën e tij, Rama kujtoi aksionet e opozitës për të bllokuar sipas tij reformën në drejtësi. "Në korrikun e vitit të shkuar u synua rrëzimi i qeverisë, për të bllokuar kalimin e paketës së parë të Reformës në Drejtësi, ndryshimet e famshme kushtetuese që u kthyen në një betejë të pashembullt mes reformistëve dhe të tremburve nga drejtësia e re. Ishin po këta që sot lanë nam në sallën e Kuvendit, me një sjellje histerike, vetëm se nuk ishin asokohe haptazi të bashkuar në tym si sot. Disa ishin përballë në llogoren e frikës së tyre, disa ishin pas shpinës tonë në llogoren e koalicionit, ju interesonte tepsia, jo Shqipëria",- u shpreh kryeministri. "Ishin po këta që sot gjuanin me tymuese, me shishe, me këpucë, çfarë u kapte dora, por vetëm se atëherë disa bërtisnin në çadër me të dyja këmbët me këpucën e shqyer prej kundërvënies pa ekuivok të të gjithë partnerëve ndërkombëtarë të Shqipërisë, disa hidhnin gurin me qetësi dhe fshihnin dorën me dashuri, derisa i humbën edhe qetësinë, edhe dashurinë, edhe tepsinë",- vijoi më tej, kreu i qeverisë. "Ky vend nuk mund të jetë më përshesh në çdo shesh ku marrin fjalën ata që politikën e duan mjet për interesa të tyre, jo për interesat e Shqipërisë. Me ata që e duan si armë për të ruajtur privilegjet e tyre, jo për të luftuar për njerëzit, të cilëve u kanë marrë votën",tha Rama.
"Ishin po këta që sot gjuanin me tymuese, me shishe, me këpucë, çfarë u kapte dora,.... disa hidhnin gurin me qetësi dhe fshihnin dorën me dashuri, derisa i humbën edhe qetësinë, edhe dashurinë, edhe tepsinë",- tha Rama.