Ja seriali i grabitjeve me armë të pikave të karburanteve nga 27- vjeçari i dënuar, Koçeku
I riu akuzohet se i vendosi tritol makinës së një polici
SHKODËR - Artan Koçeku është një person i skeduar si kontingjent krimi për policinë e Shkodrës. Në vitin 2013, ai së bashku me tre persona të tjerë u arrestuan për veprat penale: "Vjedhje të pasurisë", "Vjedhje me armë në bashkëpunim" dhe "Shkatërrim prone" me eksploziv. Koçeku është i akuzuar për vjedhjen me armë të një ish- pike karburanti në rrugën nacionale Shkodër- Lezhë, ku kanë vjedhur shumën prej rreth dy milionë lekë të vjetra, si dhe dy telefona celular. Po ashtu, i riu dhe bashkëpunëtorët e tij kanë tentuar të vjedhin me armë pikën e shpërndarjes se një karburanti, i cili ndodhet në Bushat. Një tjetër vjedhje me armë e Artan Koçekut dhe tre personave të tjerë janë dy pika të shpërndarjes së karburanteve në fshatin Piraj të Lezhës, karburantin "Ada" në Shkodër, karburantin "Boka" në Vrak të Malësisë së Madhe, karburantin "Ada" në Dobraç të njësisë Rrethina, karburantin "Ada" në lagjen "28 Nëntori" në Bahçallëk në Shkodër, karburantin "Elda" në lagjen "Mark Lula". Këta shtetas kanë vjedhur edhe dy automjete; "Reno Klio" me targë SH 3870 E në pronësi të shtetasit D. Mirashi në lagjen "Tre Heronjtë" në Shkodër si dhe automjetin "Ford Fiesta" me targë LE 9844 A, e vjedhur në fshatin "Spiten" të Lezhës në pronësi të shtetases V. Lleshi. Shtetasi Artan Koçeku rezulton të jetë autor i vjedhjes së 12 dymbëdhjetë dyqaneve. Ai akuzohet edhe për një ngjarje së ndodhur më 19 shkurt 2013, ku iu vendos lëndë eksplozive automjetit të punonjësit të policisë Pavlo Vuksani, i cili po merrej me hetimin e tij për vjedhjet e kryera.