Ndalimi i aktivistëve, deputetët e PD në polici
Paloka: Ramës i duhet kryeprokurori
i Kuvendit, deputeti demokrat Edi Paloka, kreu i Grupit Parlamentar të PD- së, Edmond Spaho, si dhe deputetët Gent Strazimit, Enkelejd Alibeaj, Eduard Halimi dhe sekretari organizativ Enno Bozdo ishin dje në Drejtorinë e Policisë së Tiranës. Vajtja e tyre atje u bë pas ndalimit të disa aktivistëve të opozitës pas protestës së djeshme te parlamenti. Paloka thekson se Ramës i duhet pozicioni i kryeprokurores pasi përveç faktit që do të mbrojë Tahirin, Dakon, apo Sejdinit, ai do që të shantazhojë opozitën. "Edhe një arsye tjetër pse nipi i Spiro Kolekes, Edvini i Kristaqit, kërkonte dhe u bë Prokuror i Përgjithshëm. Nuk i duhej vetëm për të mbrojtur kriminelet ordinerë që ka futur dhe mban në politikë. Nuk i duhet as vetëm për të mbrojtur Tahirin, Dakon, Beqen, Sejdinin… I duhet për të mbrojtur veten dhe për të kërcënuar e shantazhuar opozitën. Ai që mbron Habilajt dhe Balilajt, që ka mbrojtur Frrokët, Prengët e Xhuvanin junior, që mbron Beqet e Tahirët; urdhëroi drejtuesit e policisë së kanabisit, të procedojnë mbështetës dhe deputete të opozitës, sepse protestuan kundër shkeljes së Kushtetutës nga ai vetë",- tha z. Paloka. Kurse deputeti i PD- së Ervin Salianji deklaroi se nuk ka asnjë provë për pa ligjshmërinë e protestës e rrjedhimisht asnjë provë për të mbajtur aktivistët në polici. Ai bëri thirrje për lirimin e tyre pasi protestuesit po mbahen në paligjshmëri.
ERVIN SALIANJI
"Asnjë ditë s'ka për të fjetur i qetë, kusuret e tij do t'i paguajë ai vetë. Prokuroria dhe gjykatat duhet të hetojnë dhe çojnë pas hekurave kriminelë, banditë dhe të korruptuarit e qeverisë që po e çojnë Shqipërinë në greminë", - tha z. Salianji.