Dhuna në Kuvend, Rama: Fola për Shqipërinë, jo për palët
Kryeministri flet pas takimit me Mogherinin: Do t'i meritojmë negociatat me BE "Reforma në drejtësi do të shkojë në drejtimin e duhur"
Ambasadori i Rusisë në Tiranë, Aleksandër Karpushin u takua dje me ministrin për Europën dhe Punët e Jashtme të Shqipërisë, Ditmir Bushati. Lajmin e njoftoi ambasada ruse, e cila shton më tej se bashkëbiseduesit diskutuan mbi një gamë të gjerë çështjesh, që kanë të bëjnë me marrëdhëniet dypalëshe Rusi- Shqipëri.
Kryeministri Edi Rama deklaroi dje se në takimin me përfaqësuesen e Lartë të BE- së, Federica Mogherini ka folur për Shqipërinë dhe jo për fajet e opozitës. Në një komunikim me mediat pas takimeve, Rama u shpreh: "Unë kur flas në gjuhë të huaj, flas për Shqipërinë, nuk flas për palët. Kështu që edhe sot, edhe njëherë kam folur për Shqipërinë dhe sigurisht që këtu jam mundur që të kapërcej atë moment vështirësie të krijuar nga sjellja e opozitës, por sigurisht jo duke fajësuar opozitën, por duke u fokusuar tek Shqipëria, tek shqiptarët, sepse negociatat nuk hapen për një parti, hapen për Shqipërinë, hapen për të gjithë shqiptarët pa dallim". I pyetur nëse është i bindur për hapjen e negociatave të Shqipërisë me BE- në vitin që vjen, Rama u shpreh: "Këtë bindje s'mund ta kem, sepse duhet ta kenë të gjitha vendet anëtare dhe Këshilli Evropian, por unë jam i bindur që Shqipëria do ta meritojë plotësisht hapjen e negociatave për anëtarësim. Edhe sonte ( dje) qoftë në takimin kokë më kokë, qoftë edhe në darkën e kryeministrave ka dalë qartë që ka një vullnet të fortë në anën e institucioneve të Brukselit për ta shtyrë këtë proces, bazuar në çka është arritur, sigurisht edhe nga Shqipëria, në rastin konkretë. Po ashtu, ka qenë shumë e qartë se edhe vendimi i sotëm në Kuvend i ka shërbyer rritjes së besimit se reforma në drejtësi do të shkojë në drejtimin e duhur dhe se ka një vullnet të palëkundur për ta çuar këtë reformë përpara. Sigurisht që tema e ndërveprimit dhe bashkëpunimit ndër- rajonal ka qenë pjesë e bisedave", bëri të ditur kryeministri.
DEKLARATA
Nga ana e saj, Përfaqësuesja e Lartë për Çështjet e Jashtme, njëkohësisht zëvendëspresidentja e Komisionit Evropian për Politikat e Sigurisë, Federica Mogherini njoftoi përmes zyrës së shtypit se në takimin jozyrtar me kryeministrat e Ballkanit Perëndimor u diskutua për situatën në rajon dhe në veçanti për mundësitë për përparimin e rajonit drejt integrimit në Bashkimin Evropian gjatë vitit 2018. Kryeministri i Shqipërisë, Edi Rama; kryetari i Këshillit të Ministrave të BosnjeHercegovinës, Denis Zvizdiç; kryeministri i Maqedonisë, Zoran Zaev; ai i Kosovës, Ramush Haradinaj; kryeministri i Malit të Zi, Dushko Markoviç dhe kryeministrja e Serbisë, Ana Brnabiç theksuan vendosmërinë e tyre të plotë për të vazhduar punën për procesin e integrimit drejt Bashkimit Evropian. Siç u konfirmua qartësisht këtë vit si nga Këshilli i Evropës në mars, edhe nga presidenti Juncker në fjalimin e tij drejtuar Bashkimit Evropian në shtator, viti 2018 do të paraqesë një mundësi unike për rajonin për të bërë hapa të pakthyeshëm në rrugëtimin e tij drejt integrimit në BE, me kusht që t'u jepet prioritet reformave të nevojshme, në veçanti shtetit të së drejtës, reformës në drejtësi dhe të "Siç u konfirmua qartësisht këtë vit si nga Këshilli i Evropës në mars, edhe nga presidenti Juncker në fjalimin e tij drejtuar Bashkimit Evropian në shtator, viti 2018 do të paraqesë një mundësi unike për rajonin për të bërë hapa të pakthyeshëm në rrugëtimin e tij drejt integrimit në BE, me kusht që t'u jepet prioritet reformave të nevojshme", tha dje nga Mogherini.
drejtave themelore të njeriut, thuhet në njoftimin e Mogherinit. Me një dinamikë të ripërtërirë në politikat e zgjerimit të BE- së dhe mundësinë për të ndërmarrë hapa të rëndësishëm për rajonin, Mogherini nënvizoi nevojën që partnerët e Ballkanit Perëndimor kanë për të përshpejtuar reformat për përmbushjen e pritshmërive të qytetarëve dhe marrjen e hapave konkrete drejt integrimit në BE.