Gramoz Ruçi: Të rritet transparenca Bushati: Monitorim, reformës në drejtësi

Ngrihet struktura e monitorimit të institucioneve të pavarura

Kryetari

i Kuvendit, Gramoz Ruçi kërkoi dje që të rritet transparenca e institucioneve të pavarura. Në takimin e parë të Mekanizimit të Përbashkët për Monitorimin Sistematik të Ndjekjes dhe Zbatimit të Rekomandimeve të Institucioneve të Pavarura Kushtetuese dhe atyre të krijuara me ligj, të zhvilluar në ambientet e Kryesisë së Kuvendit, Ruçi kërkoi bashkëpunim trepalësh Kuvend- qeveri- institucione të pavarura në kuadër të plotësimit të rekomandimeve për procesin e integrimit të vendit në BE. Ruçi u shpreh se është e nevojshme të bashkërendohet kalendari i komisioneve parlamentare për kontrollin parlamentar ndaj qeverisë me kalendar- in e kontrollit për çështjet e rekomandimet e ngritura nga të gjitha institucionet e pavarura. Ministri për Evropën dhe Punëve të Jashtme, Ditmir Bushati i ka kërkuar kryetarit të Kuvendit, Gramoz Ruçi që pranë parlamentit të krijohet një mekanizëm monitorimi për zbatimin e reformës në drejtësi. Ministri Bushati u shpreh se, "2018- a është konsideruar nga drejtuesit e lartë të BE dhe nga vetë qeveria si përcaktues për rrugën drejt BE dhe reforma në drejtësi është një ndryshim loje jo vetëm në Shqipëri, por edhe në vendet e tjera të Ballkanit Perëndimor dhe kjo reformë do të shërbejë si test për reformat që do ndërmerren edhe në sektorë të tjerë". Kreu i Prezencës së OSBE- së në Tiranë, ambasadori Bernd Borschard tha se mbikëqyrja parlamentare rritet ndjeshëm kur ndahet me organet e pavarura. Në takim mori pjesë për herë të parë edhe kryeprokurorja e re, Arta Marku, të cilës iu dorëzua detyra nga Adriatik Llalla dje paradite.