Tapitë për tokën bujqësore me ligjin 7501, afati i ri
Procedura për plotësimin e akteve për marrjen e tokave në pronësi Ligji i ri hyn në fuqi, afati deri në dhjetor 2018
Afati për plotësimin e akteve për marrjen e tokave në pronësi, do të përfundojë më datë 31 dhjetor 2018. Shtyrja e afatit është vendosur me ndryshimin e ligjit nr. 9948, datë 7.7.2008, "Për shqyrtimin e vlefshmërisë ligjore të krijimit të titujve të pronësisë mbi tokën bujqësore", i cili është botuar në Fletoren Zyrtare dhe hyn në fuqi pas 15 ditësh. Në nenin 6, pika 1 thuhet se afati për përfundimin e procedurave të kalimit të tokës bujqësore të ishndërmarrjeve bujqësore në pronësi të përfituesve mbyllet në datën 31 dhjetor 2018. Ligjit nr. 9948, datë 7.7.2008 ka për qëllim verifikimin e sipërfaqeve të tokës që janë shpërndarë në 1.8.1991 nga ish- kooperativat bujqësore deri në kohën e hyrjes në fuqi të ligjit nr. 7501, datë 19.7.1991 "Për tokën", të ndryshuar. Ligji ka për qëllim shndërrimin e Aktit të Marrjes së Tokës në Përdorim në Certifikatë pronësie.
DOKUMENTET
Procesi i plotësimit të dokumentacionit të pronësisë mbi tokën bujqësore kryhet nga bashkitë. Për rastet kur komisioni i ndarjes së tokës, ka ndarë tokën bujqësore, por nuk ka plotësuar aktet e marrjes së tokës në pronësi, ligji ngarkon kryetarët e Bashkive, t'i plotësojnë ato, në përputhje me kriteret dhe procedurën e përcaktuar, ndërsa Prefekti i qarkut mbikëqyr realizimin e këtij procesi. Nga informacioni i mbledhur nga prefektët e qarqeve dhe bashkitë deri më datë 10 tetor 2017 rezulton se janë paraqitur 2300 kërkesa nga familjet bujqësore. Relacion për projektligjin "Për disa ndryshime në ligjin nr. 171/ 2014, "Për përfundimin e procedurave të kalimit të tokës bujqësore të ish- ndërmarrjeve bujqësore në pronësi të përfituesve", i ndryshuar"" Shumë bashki kanë proceduar me kërkesat e paraqitura, por nuk kanë finalizuar procesin deri në plotësimin e titujve të pronësisë, për shkak të disa problematikave të hasura. Referuar nenit 2, pika 2, paragrafi "v", Aktet e Marrjes së Tokës në Pronësi ( AMTP), nuk mund të plotësohen për sipërfaqet e tokave bujqësore që janë "objekt kërkese, e cila po shqyrtohet nga Agjencia e Kthimit dhe Kompensimit të Pronave, por nuk është dhënë ende vendim". Përcaktimi i këtyre sipërfaqeve të tokave bujqësore është detyrim i Agjencisë së Trajtimit të Pronave ( ATP). Gjatë procesit të zbatimit të ligjit, bashkitë i janë drejtuar zyrtarisht kësaj agjencie për të marrë informacionin respektiv. Ndërsa ATP, në përgjigjet zyrtare të saj konfirmon se është në kushtet e pamundësisë të japë një përgjigje përfundimtare dhe të saktë, sepse kërkesat e depozituara për njohje pronësie nuk janë të plotësuara me dokumentacionin hartografik sipas kërkesave ligjore, apo ekzistojnë mospërputhje ndërmjet dokumentacionit ligjor dhe atij hartografik të paraqitur. Mungesa e këtij informacioni zyrtar nga ATP, e ka bllokuar vijimin dhe përfundimin e procesit nga bashkitë. Në këto kushte, në projektligjin e propozuar, parashikohet që kalimi i tokës bujqësore në pronësi të përfituesve ( familjeve bujqësore) të moskushtëzohet me konfirmimin e faktit nëse kjo sipërfaqe toke është ose jo, objekt kërkese që shqyrtohet nga ATP. Një ndryshim i tillë nuk cenon të drejtën e subjekteve pretendues, që pas vendimit të ATP për njohjen e kësaj prone, të kompensohen sipas ligjit. Në këto kushte, me qëllim që procesi i nisur nga bashkitë të konkretizohet me plotësimin e AMTPve, propozohet që afati i përfundimit të këtij procesi të jetë data 31 korrik 2018. Ky afat është i mjaftueshëm për realizimin e gjithë procedurave të nevojshme që përcakton ligji, thuhet në një relacion të qeverisë. Nëse ky afat nuk do të shtyhet, pra procesi nuk përfundon në rrugë administrative, përfituesit megjithëse kanë të drejtë t'i drejtohen organeve gjyqësore ( kjo e drejtë është e parashikuar në ligj), procesi do të shtyhet edhe më tepër në kohë dhe do të shoqërohet edhe me kosto më të mëdha për përfituesit. AMTP- ja nuk plotësohet në qoftë se: toka bujqësore rezulton e regjistruar në regjistrin e pasurive të paluajtshme të Zyrës së Regjistrimit të Pasurive të Paluajtshme si pronë private;
toka bujqësore rezulton e përfshirë në procesin e legalizimeve, sipas ligjit nr. 9482, datë 3.4.2006 "Për legalizimin, urbanizimin dhe integrimin e ndërtimeve pa leje", të ndryshuar;
toka bujqësore është dhënë në pronësi nëpërmjet AMTP- së, të lëshuar deri në datën 15.8.2008 nga komisionet e ndarjes së tokës, pavarësisht nëse është regjistruar ose jo në regjistrin e pasurive të paluajtshme;
toka bujqësore është objekt i një konflikti gjyqësor dhe komuna apo bashkia është vënë në dijeni zyrtarisht nga gjykata.
toka bujqësore, me vendim të Këshillit të Ministrave, ka kaluar në fondin e kompensimit fizik dhe është vënë në dispozicion të Agjencisë së Kthimit dhe Kompensimit të Pronave.
Institucioni i ngarkuar për lëshimin e AMTP- së, në asnjë rast nuk jep dokumentin e pronësisë, nëse nuk ka marrë përgjigje zyrtare nga të gjitha institucionet e ngarkuara, sipas kërkesave të përcaktuara në nënndarjet "i" dhe "ii" të pikës 1/ 1 shkronja "a" të këtij neni. Vlerësimi bëhet në datën e përpilimit të përgjigjes nga institucioni përkatës.
Përdorues të tokës bujqësore, në kuptim të këtij ligji, konsiderohen familjet bujqësore apo individët që kanë qenë banorë të komunës apo bashkisë në datën 1.8.1991 dhe që faktikisht e përdorin tokën bujqësore.
II) iii) IV) v) b) c)
Project: Joint Actions for Energy Efficiency “ENERJ”