Ish- të përndjekurit, 2000 trashëgimtarët që marrin paratë
Përfituesit e këstit të dytë, dokumentet në Drejtorinë e Pagesave Ministria e Financave: Dorëzoni dokumentet brenda 3 muajve
Rreth 2000 fëmijët dhe nipërit ish- të dënu arve politikë do të marrin dëmshpërblimin. Ministria e Financave ka publikuar listën e kategorisë joparësore në radhët e ish- të përndjekurve politikë, që mund të trajtohen me dëmshpërblim, por që sipas këtij dikasteri, duhet të dorëzojnë dokumentet e nevojshme. Ministria e Financave u kërkon përfituesve të këstit dytë të dorëzojnë në Drejtorinë e Pagesave dokumentet që kanë mangët në dosje brenda 3 muajve. "Gazeta Shqiptare" publikon të plotë listën e përfituesve dhe analizën për çdo dosje, ku me V shënohet dokumenti që është dorëzuar në rregull me X dokumenti që është dorëzuar gabim dhe kur kolona është bosh, ai dokument mungon dhe duhet dorëzuar.
Të gjithë trashëgimtarët e ish- të dënuarve duhet të sigurohen pranë bankës në të cilën kanë hapur llogarinë që ajo është aktive. Në rast se llogaria nuk është aktive, shuma e dëmshpërblimit kthehet mbrapsht në buxhet, duke sjellë vonesa dhe ndërlikime të panevojshme. Kur kemi ndryshim të iden- titetit, ( emër/ mbiemër), apo në rastet kur në certifikatë ndryshon emri ose mbiemri, qoftë edhe me një shkronjë të vetme në krahasim me dëshminë e trashëgimisë apo prokurës, kartës së identitetit dhe çdo dokumenti tjetër të nevojshëm, duhet medoemos që në të gjitha dokumentet emrat të jenë të njëjtë me atë që është shk- ruar në certifikatën e lëshuar nga gjendja civile. Në rast se ka transkriptime të gabuara gjatë kohës nga një certifikatë e një periudhe të caktuar, atëherë këto ndryshime duhet të pasqyrohen brenda formatit të certifikatës apo edhe të një vërtetimi të veçantë të lëshuar nga zyra e gjendjes civile. Ligji parashikon edhe rastet e ekzekutimeve pa gjyq. "Në rastet e ekzekutimeve kapitale pa gjyq është i domosdoshëm një vendim fakti gjykate që vërteton vdekjen, plus një certifikatë negative të lëshuar nga zyra e gjendjes civile. Në rastet kur për arsye të njohura në gjendjen civile nuk ekzistojnë dokumente të periudhës përkatëse dhe ky fakt vërtetohet nga gjendja civile, i interesuari është i detyruar të bëjë një gjyq fakti, të cilin edhe në këtë rast si në pikën më lart, duhet ta shoqërojë me një certifikatë negative", thuhet në njoftimin që Ministria e Financave bën për të sqaruar trashëgimtarët e ish- të dënuarve, të cilët nuk kanë marrë ende dëmshpërblimin.