Dashnor Dervishi dhe Ilir Boçka nderohen me gradën "Ambasador"
Ministri Bushati: Ditë e shënuar për shërbimin e jashtëm Dervishi: Më shumë stimuj moralë për diplomatët
Diplomatëve të karrierës Dashnor Dervishi dhe Ilir Boçka iu është akorduar dje, grada "Ambasador" nga Presidenti Ilir Meta. Në fjalën e tij, gjatë ceremonisë që u organizua në Ministrinë e Jashtme, ministri Ditmir Bushati tha se është hera e parë që jepet kjo gradë në periudhën post- regjimit. Kreu i diplomacisë vlerësoi dy ambasadorët për kontributin e tyre në shërbimin e jashtëm. "Kjo është një fazë e re, është hera e parë që jepet grada ' Ambasador' në periudhën post- regjimit komunist. Sot është një ditë e shënuar për gjithë shërbimin e jashtëm. Dervishi dhe Boçka janë një shkollë e madhe për të gjithë njerëzit që shërbejnë në shërbimin e jashtëm. Ilir Boçka ka dhënë kontribuar për anëtarësimin e vendit në NATO. Po kështu të gjithë ne i njohim dorëshkrimet e Dashnor Dervishit",- u shpreh ministri Bushati. Grada "Ambasador" i jepet këtyre dy emrave të njohur të diplomacisë shqiptare për kontributin e tyre. Dashnor Dervishi dhe Ilir Boçka janë të parët diplomatë që e marrin zyrtarisht këtë gradë në periudhën postregjimit. Emri i Ilir Boçkës, për të përfituar këtë gradë, është dorëzuar në Presidencë nga ana e Ministrisë së Jashtme që në vitin 2016, por Presidenti i kohës Bujar Nishani, vendosi të miratonte vetëm emrin e Dashnor Dervishit për të përfituar këtë gradë, duke refuzuar emrin e ambasadori Boçka. Sipas ligjit për Shërbimin e Jashtëm, diplomatët e karrierës e përfitojnë gradën "Ambasador" pasi të kenë fituar njëra pas tjetrës të gjitha gradat diplomatike, dhe të kenë qenë në detyrën e kreut të misionit diplomatik të paktën dy funksione, por jo më pak se gjashtë vjet gjithsej. Dhe më pas, ministri i Punëve të Jashtme, bazuar në rekomandimin e Komisionit të Karrierës Diplomatike, i propozon Presidentit të Republikës dhënien e gradës personale "Ambasador" diplomatit të karrierës që përmbush kriteret e parashikuara në pikën 6 të ligjit. Ilir Boçka ka një karrierë në shërbimin e jashtëm që në vitin 1981 duke pasur pozicione drejtuese në
Ministrinë e Punëve të Jashtme dhe duke përfaqësuar denjësisht Shqipërinë në shtete të ndryshme dhe organizata rajonale dhe ndërkombëtare. Dashnor Dervishi cilësohet si një nga diplomatët që ka dhënë një kontribut të madh në diplomacinë shqiptare. Në vitin
1988 Dashnor Dervishi u emërua ambasador i Shqipërisë në Itali, post që e mbajti deri në vitin 1992, duke hyrë në histori edhe si ambasadori i fundit i Shqipërisë komuniste në Itali. Në dhjetor të vitit 1998, Dashnor Dervishi u emërua ambasador Fuqiplotë i Shqipërisë në Izra- "Dikur ambasadori ishte emblema e shtetit, sot ka mbetur shumë pak nga e kaluara, por kjo ndodh në gjithë vendet. E kjo është normale me hapjen e kufijve, integrimin, etj. Njohjet dhe kontaktet e politikanëve tanë me homologët në botë bën që të anashkalohet roli i ambasadorit"- tha ai, duke kërkuar stimuj moralë, që sipas tij kanë munguar në këto vite.