Basha: Asnjë kompromis për kryeprokurorin e ri
Kreu i PD takon ambasadorët e BE: Tri hapat e puçit kushtetues për kryeprokuroren "Rama synon mbylljen e dosjeve të krimit"
Kreu i opozitës, Lulzim Basha informoi 5 am basadorët e vendeve të BE- së për zgjedhjen e kryeprokurores së përkohshme vetëm me votat e mazhorancës, si dhe për qëndrimin e Partisë Demokratike kundër zgjedhjes, sipas tij, antikushtetuese të një Prokurori të Përgjithshëm të përkohshëm. Në një takim në selinë e Partisë Demokratike me përfaqësuesit diplomatikë të Gjermanisë, Francës, Austrisë, Italisë dhe Greqisë, zoti Basha i njohu ata me veprimet e qeverisë që çuan në një puç kushtetues, që ka futur në krizë sistemin e drejtësisë, ka shkatërruar procesin politik në vend dhe po prodhon një krizë destabilizuese për vendin. Sipas kreut të PD, 3 hapat e puçit kushtetues janë: vonesa e qëllimshme për mosngritjen e Këshillit të Lartë të Prokurorisë, uzurpimi i kompetencave të KLP- së nga Parlamenti si dhe zgjedhja e një Prokurori të Përgjithshëm me shumicë të thjeshtë dhe pa kaluar vetingun. Basha pohoi se të gjitha këto veprime kanë qenë të paramenduara dhe të planifikuara nga Edi Rama për të zgjedhur një kryeprokuror që kontrollohet plotësisht prej tij, me qëllim shkatërrimin e hetimeve për dosjet kriminale të Saimir Tahirit, Vangjush Dakos dhe politikanëve të tjerë të lidhur direkt me vetë Ramën. Kryetari i PD vuri në dukje se opozita ka faktuar me vepra dhe jo me fjalë se ka mbështetur dhe do të vazhdojë të mbështesë procesin e integrimit europian, përfshirë edhe çeljen e negociatave të anëtarësimit, por zoti Basha theksoi se procesi është plotësisht në dorën e qeverisë, e cila duhet të përmbushë 5 prioritetet, që nuk varen aspak nga opozita. Basha theksoi se interesat e shqiptarëve dhe të Bashkimit Europian shërbehen vetëm duke dënuar kthimin e Shqipërisë në një vend të drogës dhe krimit, duke mos toleruar lidhjet e qeveritarëve me drogën dhe krimin dhe duke kërkuar nxjerrjen para drejtësisë të tyre. Kryetari i PD- së u shprehu ambasadorëve të vendeve anëtare qëndrimin e pandryshueshëm të Partisë Demokratike për të bërë të gjitha përpjekjet që vendi t'i rikthehet kushtetutshmërisë dhe politikanët e lidhur me krimin nga Saimir Tahiri, te Vangjush Dako të përfundojnë para drejtësisë. Sipas Bashës, asnjë kompromis dhe asnjë interes pragmatik politik nuk do ta ndryshojë këtë qëndrim. Kreu i opozitës i siguroi ambasadorët e vendeve anëtare të Bashkimit Europian se, në përputhje me vlerat më të larta demokra- Kreu i PD- së, Lulzim Basha, priti dje kreun e Parlamentit të Maqedonisë, Talat Xhaferri. "PD - tha z. Basha - e ka interesin e shqiptarëve dhe interesin kombëtar në krye të qëndrimeve dhe vokacionit të saj politik. Korrupsioni dhe krimi i lidhur me qeverinë janë armiku numër një i demokracisë, i ekonomisë, i qytetarëve".
tike, opozita dhe qytetarët shqiptarë do të qëndrojnë me të gjitha mjetet dhe format demokratike në mbrojtje të Kushtetutës dhe demokracisë dhe kundër kapjes së drejtësisë nga Edi Rama, klanet e drogës dhe grupet kriminale që bashkëqeverisin me të.