"Kryeprokurori", Nishani: Mazhoranca "grisi" Kushtetutën
Zgjedhjen
e Arta Markut në krye të organit të akuzës vetëm me votat e mazhorancës, ish- presidenti Bujar Nishani e cilëson aktin më të rëndë kushtetues që nga koha e diktaturës. "Rasti i Prokurorit të Përgjithshëm nuk është thjeshtë ' një shkelje e Kushtetutës'. Jo! Brutalisht forca e pushtetit e ' grisi' në mënyrë publike Kushtetutën e Shqipërisë! Ajo u ' gris' me vullnet të plotë politik, me dhunë, me qëllim dominimin e pushtetit të drejtësisë nga pushteti ekzekutiv. Kjo është situata politike më e rëndë dhe më e trishtueshme që nga koha e diktaturës në Shqipëri. Akti i ' grisjes' publike të Kushtetutës është një nga aktet më të rënda mbi shtetin 105- vjeçar shqiptar", shprehet z. Nishani. Ajo që e bashkon me kreun e demokratëve është përligjja morale e shqiptarëve për të mbrojtur ashtu si në vitin 1990 ligjin themeltar të shtetit. Por, ndryshe nga Basha, ish- presidenti Nishani thotë se antikushtetutshmëria që prodhoi votat e mazhorancës me zgjedhjen e kryeprokurores së përkohshme duhet të goditet ligjërisht në Gjykatën Kushtetuese. "Rivendosja e garancisë së Kushtetutës është shumëdimensionale, ligjore, politike dhe morale. Por nuk ka alternativë tjetër, veçse të rivendoset. Kjo është detyrë e shumicës së shqiptarëve dhe përgjegjësi politike dhe institucionale e opozitës", deklaroi z. Nishani. Ishpresidenti Nishani i cilëson gjithashtu qesharake kërcënimet me burg, që sipas tij po u bëhen politikanëve, të cilët ai thotë se kanë qëllim përpjekjen për rivendosjen e garancive kushtetuese.
AKUZA
Ish- deputetja Mesila Doda ka shpërthyer në akuza pas situatës së fundit në Kuvend, që sipas saj nuk kishte bërë vaki as në ' 90- ën. Ajo e quan kulmin e dështimit të lumturohesh se vdiq Nexhmija, "ndërsa Gramozin e ke kryetar Parlamenti e do drejtojë ky mortja tjetër reformën në drejtësi...".