Ruçi bën autokritikë: Ndjesë, votuesve për seancën e dhunshme
Kreu i Kuvendit, pritje për përfaqësuesit e medias me rastin e festave "Në sesionin tjetër zgjedhim KLP e KLGJ"
Kryetari i Kuvendit, Gramoz Ruçi gjeti rastin dje të bëjë autokritikë dhe t'u kërkojë ndjesë votuesve për shfaqjen që u pa në seancën e fundit të Kuvendit. Gjatë fjalës që mbajti në një pritje për përfaqësues të mediave. "Ka edhe të tilla gjëra, që ne parlamentarëve nuk na nderojnë. Sigurisht, nuk kishte bërë vaki që të ndodhnin disa precedentë që s'kanë ndodhur në 27 vjet dhe sigurisht që unë si drejtues i këtij Kuvendi nuk e ndjej veten komod, e para se ta bëj urimin, do e filloja me një autokritikë në kuptimin e ndjesës ndaj publikut dhe zgjedhësve tanë, që na kanë zgjedhur", u shpreh kreu i Kuvendit. "Megjithatë, nuk e ka përshkuar veprimtarinë e Parlamentit ky rast, kjo seancë. Ashtu sikurse ju vetë keni përcjellë, Parlamenti ka qenë i polarizuar si shumë parlamente të tjera demokratike, por krahas këtij polarizimi që kemi pasur, kemi bërë edhe punë të tjera, siç ka qenë konsensusi i gjerë për tre organet e vetingut, po i tillë ka qenë edhe konsensusi i lartë dhe i po këtij spektri politik për ligjin për pakicat kombëtare, i tillë ka qenë votimi për reformën në drejtësi, i tillë ka qenë vullneti politik për të miratuar një rezolutë për dhunën në familje, apo një rezolutë tjetër për qëndrimin e rezolutës së Kombeve të Bashkuara për zhvillim të qëndrueshëm", tha Ruçi para gazetarëve. E duke bërë një parashikim për punën që e pret Kuvendin në sesionin e ri që nis në gjysmën e janarit, Ruçi u shpreh:
"Unë mendoj që kalimi në sesionin tjetër parlamentar që do të fillojë i tillë do të jetë, veçanërisht me dytri momente kryesore, siç është zgjedhja e KLGJ- së dhe KLP- së për të gjitha kandidaturat që s'janë pjesë e gjyqësorit apo e prokuror- isë, apo zgjedhja e inspektorit të përgjithshëm të drejtësisë, të cilat janë ek- skluzivitete të Parlamentit shqiptar". Sipas tij, këto e të tjera do të jenë veprimtari parlamentare të sesionit të ardhshëm parlamentar, që do të duhen të bëhen realitet nga i gjithë spektri politik parlamentar shqiptar. E duke uruar festat e fundvitit, Ruçi falënderoi mediat për gjithçka kanë bërë dhe pasqyruar, "si arritjet e Kuvendit të Shqipërisë, ashtu edhe mangësitë individuale apo kolegjiale të institucionit të Parlamentit". "Angazhohem pranë këtyre festave që në sesionin e ardhshëm parlamentar, edhe ndjesitë, vërejtjet dhe sugjerimet që na keni bërë do të jemi më të hapur për ju, për t'ju krijuar komoditetin dhe hapësirën e domosdoshme për një transparencë më të lartë ndaj veprimtarisë së komisioneve parlamentare dhe të seancave parlamentare", pretoi Ruçi.