Buxheti i Bashkisë së Tiranës miratohet pa votat e opozitës
Erion Veliaj: Në 2018- ën investimet rriten me 16%, programe për shtresat në nevojë "Parashikohet ndërtimi i 17 shkollave të reja"
Paraditen e së djeshmes, Këshilli Bashkiak i Tiranës miratoi projektbuxhetin për vitin 2018. Por ajo çka u vu re në këtë mbledhje, ishte mungesa e këshilltarëve të Partisë Demokratike, e pas 3 orësh, buxheti u miratua me 32 vota, ku 26 ishin nga socialistët, 2 nga PDIU- ja dhe 4 nga anëtarët e Lëvizjes Socialiste për Integrim. Ky bojkotim i opozitës erdhi pasi që prej fillimit të mbledhjes, ajo pretendoi se buxheti për kryeqytetin po diskutohet pa kurimet e nevojshme. Ndërkaq, në 2018- ën pritet që investimet e parashikuara për Tiranën nga Bashkia, do të pësojnë një rritje prej 16%, krahasuar me vitin 2017. Sipas kryebashkiakut Erion Veliaj, në fokus të buxhetit të vitit që po vjen do të jenë jo vetëm vazhdimi i projekteve të nisura më parë, por edhe investime të reja që do të mbulojnë zonat periferike dhe ruralë të kryeqytetit.
17 SHKOLLA TË REJA
Kryebashkiaku Veliaj theksoi se do të ndërtohen plot 17 shkolla të reja, për t'i dhënë kështu një zgjidhje problemit të mungesës infrastrukturore në zona të ndryshme të Tiranës. "Në Bashkinë e Tiranës gjenden gjithsej 191 shkolla publike. 61 shkolla kanë më shumë nxënës se sa kapaciteti i tyre maksimal dhe 57 shkolla e zhvillojnë mësimin me dy turne. Për t'u dhënë një zgjidhje përfundimtare këtyre tre problemeve, duhet të ndërtohen 17 shkolla të reja, nga të cilat 10 shkolla të ciklit 9- vjeçar, të cilat do të përfshijnë edhe ambiente për kopshte brenda tyre, dhe 7 shkolla të ciklit të mesëm të lartë",- tha Veliaj. Kryebashkiaku gjithashtu theksoi se të gjitha shkollat 9vjeçare do të kenë edhe kopsht të integruar. Respektivisht në njësinë administrative nr. 2 parashikohet të ndërtohen 3 shkolla të reja, dy 9 vjeçare dhe një e mes-
me; në njësinë nr. 5 pritet të ndërtohet një shkollë 9vjeçare; në njësinë nr. 7 do të ndërtohet një shkollë e mesme, ndërsa në njësinë administrative nr. 8 është parashikuar që të ndërtohet një shkollë 9- vjeçare dhe një shkollë e mesme. Më tej, gjatë mbledhjes është bërë me dije se në njësinë nr. 9 do të ndërtohet një shkollë 9vjeçare dhe një e mesme, e po ashtu edhe në njësinë 11. Ndërsa në njësinë e Farkës pritet një shkollë e re 9vjeçare, e në atë të Dajtit, ndërtimi i një shkolle të mesme. Ndërkohë, në njësinë administrative Kashar, është parashikuar ndërtimi i dy shkollave, një 9- vjeçare dhe një e mesme. "Me të drejtë buxheti i vitit 2018 mund të quhet buxheti i të gjithë qytetarëve, pasi përfshin të gjithë territorin e BT nga
qendra deri në periferinë më të largët rurale të Bashkisë, duke shënuar rritje në të gjithë programet e zhvillimit",- tha kryebashkiaku Veliaj.
2 TERMINALE PËR 2018- ËN
Kryetari i Bashkisë së Tiranës, bëri me dije se në vitin 2018- të do të fillojë puna për ndërtimin e dy terminaleve të rinj, pasi aktualisht kanë përfunduar të gjitha procedurat e nevojshme. Për të përballuar fluksin e autobusëve dhe furgonëve që hyjnë në Tiranë nga rruga e Elbasanit, përkatësisht autobusët që vijnë nga Korça, Pogradeci, Librazhdi, Përrenjasi dhe Elbasani, si edhe autobusët që vijnë nga Maqedonia, do të ndërtohet terminali JugLindor i Tiranës. Ndërsa terminali tjetër do të ndërtohet
Për minimizimin e varfërisë dhe zhvillimin ekonomik për shtresa të caktuara, buxheti i Bashkisë së Tiranës parashikon për vitin 2018- të, shumë programe e skema ndihmuese për këtë çështje. "Në ndarjen e zërave të këtij buxheti, disa prej tyre vijnë në rritje, siç janë programet e strehimit social, programet e nxitjes së punësimit, skema, të cilat synojnë zhvillim afatgjatë dhe disa zëra janë risi buxhetimi, siç është projekti "bllok- ndihma ekonomike deri në 6 %",- tha kryebashkiaku. Në mbledhje u diskutua edhe për nxitjen e punësimit, ku do të hartohen disa programe lehtësuese në mbështetje të sipërmarrësve të rinj apo të grave sipërmarrëse. Ndërsa të rinjtë e sapodiplomuar do të kenë mundësinë të zhvillojnë praktikën profesionale pranë një subjekti privat, kohë gjatë së cilës do të marrin një pagë në nivelin minimal, financuar nga Bashkia Tiranë, kjo pjesë e mbështetjes së karrierës profesionale.