Koçi: Dëmet nga aksidentet, pagesat e prapambetura shlyhen në 2018
Drejtori i AMF- së: Do të paguhen detyrimet e akumuluara nga 2002 deri në 2013 “Dëmet e paguara në janar- tetor u rritën me rreth 15%”
Autoriteti i Mbikëqyrjes Financiare do të rrisë masat për pagesën e dëmeve të prapambetura për aksidentet. Brenda vitit të ardhshëm do të paguhen detyrimet e akumuluara nga vitit 2002 deri në vitin 2013. Lajmi është bërë i ditur nga kreu i Autoritetit të Mbikëqyrjes Financiare Ervin Koçi, dje gjatë një takimi me gazetarët. "Vitin e ardhshëm, Autoriteti planifikon të jetë, gjithashtu, shumë i angazhuar për përmirësimin e kuadrit ligjor, ku përfshihen disa ndryshime që do t'i shërbejnë më mirë mbrojtjes së konsumatorit në shërbimet financiare, apo zgjidhjes së disa problematikave të mbartura ndër vite. Këtu do të veçoja Fondin e Kompensimit, për të cilin ne jemi shumë të angazhuar për realizimin e të gjitha pagesave të prapambetura që nga viti 2002 deri në 2013 deri në fund të vitit të ardhshëm, por edhe çështje të tjera që kanë cenuar qytetarin,- tha Koçi. Gjithashtu, Koçi bëri të ditur se "me fillimin e vitit 2018, AMF do të prezantojë strategjinë 5vjeçare të zhvillimit. Kjo strategji paraqet sfidat, me të cilat përballet Autoriteti e tregjet nën mbikëqyrje dhe jep edhe drejtimet kryesore të zhvillimit të tregjeve dhe forcimit në mbikëqyrjes dhe rregullimit për të arritur standardet evropiane". Drejtori i Përgjithshëm Ekzekutiv i Autoritetit të Mbikëqyrjes Financiare pohoi se janë ndërmarrë ndryshime në strukturën organizative të Autoritetit, duke i dhënë më shumë rëndësi mbrojtjes konsumatore përmes krijimit të një drejtorie të posaçme për këtë qëllim, si edhe për edukimin financiar të publikut. "Rritja e numrit të ankesave në drejtim të Autoritetit në tre muajt e fundit të vitit besoj se është një nga treguesit më të mirë se qytetarëve gradualisht po u rikthehet besimi, edhe pse sigurisht mbetet ende shumë për t'u bërë dhe mbrojtja e konsumatorit do të jetë sfida jonë kryesore edhe në vazhdim. Duke përshkruar shkurtimisht tregjet do të veçoja tregun e sigurimeve, i cili është ndër më të rëndësishmit, jo aq për vlerën e aseteve, por më tepër për faktin se ai është një treg që prek më drejtpërdrejtë kon- sumatorin me disa nga produktet të cilat janë të detyrueshme. Në periudhën janar- tetor 2017 volumi i primeve të shkruara bruto u rrit rreth 9% krahasuar me të
VENDIMET E BORDIT TË AUTORITETIT
Bashkërendimin e punës për shlyerjen e pagesave të prapambetura, objekt i Fondit të Kompensimit, sidomos për detyrimet e periudhës; Kalimin online të policave kufitare; Fillimin e projektit për mikro- sigurimet; Si edhe nisma të tjera që kanë ndikuar pozitivisht te qytetarët. njëjtën periudhë të vitit të kaluar. Ndërkohë që edhe volumi i dëmeve të paguara për këtë periudhë është rritur me rreth 15%. Megjithatë duhet shënuar se në Shqipëri është ende mjaft i ulët niveli i penetrimit në tregun e sigurimeve, ( pra volumin e primeve bruto në raport me GDP). Ne besojmë se në të ardhmen ky treg do të ketë zhvillime mjaft pozitive dhe rritje"- tha Koçi.
FONDI I PENSIONEVE
"Në Tregun e Pensioneve Private Vullnetare, ushtrojnë aktivitetin e tyre tre fonde pensioni. Për 9- mujorin e vitit 2017, totali i aseteve neto vlerësohet me një rritje prej afro 21% krahasuar me fundin e vitit 2016. Ne jemi duke punuar edhe me grupet e interesit për gjetjen e mundësive për ta zgjeruar edhe më tepër këtë treg, i cili ka nevojë për një pasqyrim më të gjerë mediatik edhe mbi përfitimet që ka përfshirja në skemat vullnetare të pensioneve private"- tha Koçi.
BURSA
Në fjalën e tij, Koçi, nënvizoi se një nga zhvillimet kryesore të vitit që po mbyllet ishte licencimi i bursës së parë private, që sipas, tij, mund të jetë një kanal shumë i rëndësishëm për zhvillimin ekonomik të vendit." Një zhvillim i rëndë- sishëm në tregun e kapitaleve ishte licencimi i shoqërisë "Bursa Shqiptare e Titujve, ALSE" sh. a., ( Albanian Stock Exchange). Krijimi i bursës do të ndihmojë në zhvillimin më të mirë të tregut sekondar të letrave me vlerë, zgjerimin e mundësive për financim nga ana e sipërmarrësve, në përdorimin më efektiv të parasë si dhe mund të krijojë energji pozitive për ekonominë e vendit. Vlen të përmend se AMF do të jetë shumë i kujdesshëm në monitorimin e aktivitetit të saj, edhe në bashkëpunim me Ministrinë e Financave dhe Bankën e Shqipërisë- tha Kreu i AMF- së.