Protestat në janar, Basha nis tur në bashkitë e mëdha
Tri opsionet e qëndrimit të opozitës për raportet me Kuvendin Aleatët, kundër djegies së mandateve të deputetëve
Kryetari i Partisë Demokratike, Lul zim Basha pritet të nisë javën e fundit të këtij viti një tur në bazën e partisë, për t'u takuar me qytetarë e për t'u kërkuar mbështetjen për protestat e paralajmëruara për në muajin janar 2018. Burimet nga PD- ja bënë me dije dje për mediat se ky tur takimesh është konceptuar si bashkëbisedim me qytetarët për krizën ekonomike, politike dhe kushtetuese ku ndodhet Shqipëria. Të njëjtat burime në Partinë Demokratike konfirmuan se takimet me qytetarët do të jenë edhe në funksion të protestave të paralajmëruara nga opozita. Nuk dihet nëse pas Vitit të Ri, Partia Demokratike do të hyjë apo jo në Parlament. Lulzim Basha konfirmoi dy ditë më parë se po shqyrtohen tri opsione të marrëdhënies së opozitës me parlamentin, me avantazhet dhe disavantazhet e tyre. Opsioni i parë është për një marrëdhënie të kushtëzuar me Parlamentin, opsioni i dytë është për bojkot pa afat dhe opsioni i tretë është ai i djegies së mandateve. Mësohet se propozimi është bërë nga disa prej kryetarëve të partisë më të madhe opozitare në rrethe. Protestat pritet të nisin në javën e tretë të janarit, me fillimin edhe të sesionit të ri parlamentar. Nga ana tjetër, opozita ende nuk ka një vendim mbi raportet që do të ketë me Kuvendin, pas miratimit të Prokurores së Përgjithshme, Arta Marku, ku PD- ja nuk mori pjesë në votim. Aleatët
Ndërsa e kanë mbështetur idenë e organizimit të protestave, aleatët e PD- së ndahen sa i përket djegies së mandateve, propozim ky i bërë nga ish- kryetari i PD- së, Sali Berisha, në fund të seancës së datës 18 dhjetor. Kryetarja e LSI- së, Monika Kryemadhi ishte e menjëhershme në reagimin e saj kundër propozimit për djegien e mandateve. Kryetari i Partisë Republikane, Fatmir Mediu shprehet për "Vizion Plu" s se, "djegia e mandateve duhet parë
në koston që ka opozita në përfaqësimin e saj në institucionin e vetëm siç është Kuvendi, ku opozita ka interesin për t'i dhënë vlerë e padyshim Rama për ta kthyer në
një antivlerë". Mediu u shpreh se opozita duhet të marrë pjesë në ngritjen e institucioneve të reja të drejtësisë. "Opozita ka qenë pjesë e reformës në drejtësi dhe ajo "Djegia e mandateve duhet parë në koston që ka opozita në përfaqësimin e saj në institucionin e vetëm, siç është Kuvendi, ku opozita ka interesin për t'i dhënë vlerë e padyshim Rama për ta kthyer në një antivlerë", tha kreu i PR- së. Mediu u shpreh se opozita duhet të marrë pjesë në ngritjen e institucioneve të reja të drejtësisë.
duhet të kërkojë respektimin në ekstrem të Kushtetutës dhe ligjeve, që kanë të bëjnë me këto procese shumë të rëndësishme dhe padyshim që duhet të jetë
pjesë për të arritur që të mos kemi deformime, të cilat janë të vështira për t'u korrigjuar", tha Mediu. Nga ana e tij, kreu i LZHK- së, Dashamir Shehi, u shpreh: "Një deputet për të qenë ushtar i mirë duhet t'i ketë të gjitha armët shigjetën, shpatën. Pse do i heqim shpatën një partie politike, grupit parlamentar mundësinë për të bërë luftë përditë?!".
Shehi nuk e përkrah af-
rimin e LSI- së në betejën politike të opozitës, ndaj edhe thotë: "Ne kemi detyra të tjera, ringritjen e së djathtës, të shtetit shqiptar, luftën kundër korrupsionit; ndërkohë që këtu LSI nuk i përmbush kushtet, sepse duke qenë e majtë nuk besoj se ka ndonjë dëshirë të madhe për të sjellë të djathtën në pushtet, duke qenë deri dje në qeveri ka disa mangësi në luftën kundër korrupsionit".