Verifikimi i sipërfaqeve, në bazë të certifikatës së ' 91- shit
Komisionet
vendore do të verifikojnë sipërfaqet e tokave që janë shpërndarë në vitin 1991 në bazë të certifikatës familjare të këtij viti. Qeveria urdhëron komisionin vendor që të vlerësojë aktet e marrjes së tokës në pronësi, të plotësuara nga kryetarët e bashkive për bazueshmërinë ligjore të tyre dhe merr vendim për rikonfirmimin e tyre në rastet kur: a) Vërtetohet se familja bujqësore ose individi, në emër të të cilit lëshohet akti i marrjes së tokës në pronësi është subjekt i përfitimit të tokës bujqësore në pronësi, sipas ligjeve të sipërpërmendura. b) Verifikohet se sipërfaqja për të cilën është lëshuar akti i marrjes së tokës në pronësi, është objekt i trajtimit sipas ligjeve të sipërpërmendura dhe madhësia e saj është në përputhje me përcaktimet ligjore. c) Janë krijuar në përputhje me procedurat dhe afatet e përcaktuara në ligjet e sipërpërmendura". Komisioni vendor i vlerësimit të titujve të pronësisë dërgon për regjistrim në ZVRPP vendimin gjyqësor përfundimtar për sipërfaqet e tokës të liruara nga fitimi, mbajtja dhe përdorimi i paligjshëm i tyre, që kalojnë në pronësi të shtetit, pas procedurave të realizuara sipas përcaktimeve të neneve 9 e 10, të ligjit nr. 9948, datë 7.7.2008, "Për shqyrtimin e vlefshmërisë ligjore të krijimit të titujve të pronësisë mbi tokën bujqësore", të ndryshuar. Pjesë e detyrueshme e këtij vendimi është planvendosja e ngastrës/ ave. Në vendimin e qeverisë është përcaktuar që komisionet vendore kanë detyrimin që brenda dy muajve nga data e hyrjes në fuqi e këtij vendimi, të paraqesin në Agjencinë e Trajtimit të Pronës të gjitha vendimet gjyqësore përfundimtare, të marra para kësaj date, të shoqëruara me planvendosjet e ngastrës/ ave dhe procesverbalin/ et përkatëse".