I refuzohet garancia pasurore, mbetet në burg Orest Sota. Avokati: Po mbahet padrejtësisht
"Do bëjmë ankimim, për klientin tim nuk ka asnjë provë"
IRANE- Gjykata e Krimeve të Rënda refuzoi dje kërkesën e biznesmenit Orest Sota për rivlerësim të masës së sigurisë, duke e lënë sërish në burg. 25vjeçari u kap me 863 mijë euro cash dhe dy patenta të ish- ministrit të Brendshëm Saimir Tahiri për mjete lundrimi. Sota kishte kërkuar rivlerësimin e masës së sigurisë "Arrest me burg" në një masë më të butë, por trupi gjykues nuk e mori parasysh pavarësisht garancisë pasurore të ofruar nga avokati mbrojtës Fatmir Braka. Pas përfundimit të seancës gjyqësore, avokati Fatmir Braka deklaroi se klienti i tij po mbahet në burg pa asnjë provë. Sipas tij, Sota nuk është marrë ende në pyetje dhe po mbahet padrejtësisht në burg. "Do bëjmë ankimim pranë gjykatës së apelit me argumentet se Sota mbahet në burg pa asnjë provë, për vepra që nuk janë në kompetencën e Krimeve të Rënda. Mbahet në burg me bindje të plotë, peng i një procesi tjetër dhe personi që është bërë ajo lidhje artificiale nuk ka një akuzë të ngritur, por është një person në hetim. Provat janë paraqitur në prokurori",deklaroi ai. Ndërkohë si- pas organit të akuzës, mbi Sotën rëndojnë katër akuza: "pastrim i produkteve të veprës kriminale"; "Fshehje e të ardhurave", "Drejtim mjeti në mënyrë të parregullt" dhe "Mosbindje ndaj urdhrit të punonjësit të policisë".
NGJARJA
Orest Sota u arrestua në fshatin Balldre të Elbasanit në datë 1 nëntor, pasi nuk iu përgjigj thirrjes së policisë për të ndaluar. Nga kontrolli në makinën që e drejtonte pa patentë iu gjetën dhe iu bllokuan 863 mijë euro dhe tre patenta, dy për mjete lundruese në emër të Saimir Tahirit dhe një tjetër e gruas së ish- ministrit, Fatlinda Berisha. "Eurot janë të miat. Nuk di ta shpjegoj se si patentat e tij dhe të gruas se tij ishin në makinën time. Ndoshta i ka lënë shoferi i Saimir Tahirit, të cilin e kam shok. Ai ishte ne makinën time një ditë para se të arrestohesha",është shprehur më herët Sota. 25- vjeçari nga Vlora është pronar i një firme private në fushën e betonit, dhe i tha policisë se paratë do t'i përdorte për likuidimin e disa faturave. Hetimet nga prokuroria nisën pas sekuestrimit të 863 mijë euro në makinën e Sotës në Elbasan. Organi i akuzës dyshon se paratë e gjetura në mjetin e Sotës i përkasin Saimir Tahirit. Ina Allkanjari
akuzës Saimri Tahiri i njeh Habilajt dhe si argument sjell daljet jashtë shtetit të tij me automjetin "Audi" që ndërkohë i ishte shitur Moisi Habilajt. Prokuroria ka përdorur argumentin se Tahiri për shkak të lidhjeve farefisnore dyshohet të ketë favorizuar Habilajt për kultivim kanabisi. Sakaq ish- ministri Tahiri është nën hetim për trafikimin e narkotikëve të kryer në bashkëpunim, në formë të posaçme të grupit të strukturuar kriminal", si edhe "korrupsionin pasiv të funksionarëve të lartë shtetërorë". Ndërkohë në një prononcim për median më herët avokati mbrojtës i ishministrit të brendshëm, Maks Haxhia, ka reaguar për vendimin e gjykatës, duke e quajtur atë qesharak. Haxhia nënvizoi se nuk ka asnjë fakt të ri lidhur me dosjen ndaj Tahirit. "Sot në zyrë gjeta vendimin e gjykatës ku kërkohej ndalimi i klientit tim për të dalë jashtë shtetit dhe bllokimin e pasaportës. Nuk ka asnjë fakt të ri që gjykata të iniciojë apo të marrë masa për këtë masë të re sigurie. Kjo është qesharakja e kërkesës dhe vendimi që mbahet si kofini pas të vjelave. Si shërben hetimit për t'i dalë çështjes deri në fund. Patjetër që Tahiri do shkojë në seancë. Do kundërshtojmë këtë vendim që është i pabazuar në ligj. Ka një argument të vetëm që kjo masë nuk përshtatet me hetimin. Kjo masë erdhi sot dhe ajo pasi të depozitohet, do merret pasaporta",- tha avokati mbrojtës i ish- ministrit të Brendshëm, Saimir Tahiri.
"Do bëjmë ankimim pranë Gjykatës së Apelit me argumentet se Sota mbahet në burg pa asnjë provë, për vepra që nuk janë në kompetencën e Krimeve të Rënda.