Projektligji, ja kush mund të përfitojë strehim social
Cilat janë llojet e programeve, kushtet për statusin Kriteret për përzgjedhjen e fituesve
Të gjithë ata individë apo familje që nuk kanë mundësi strehimi, mund të përfitojnë nga programet sociale, ashtu siç parashikohet në projektligjin më të fundit të miratuar nga Këshilli i Ministrave. Nëse arrijnë të plotësojnë kriteret e paracaktuara, lidhur me të ardhurat apo përshtatshmërinë e banesës, familjet mund të marrin strehim social nga shteti, por mund të përzgjidhen fitues vetëm në një prej këtyre programeve. "Njësitë e vetëqeverisjes vendore sigurojnë që familjet dhe individët, të cilët nuk kualifikohen si përfitues në njërin program, të kenë mundësi për të kaluar dhe përfituar në një pro- gram tjetër, kur plotësojnë kushtet ligjore. Individi/ familja nuk mund të përfitojë njëkohësisht nga më shumë se një program", citohet në projektligj.
LLOJET E PROGRAMEVE TË STREHIMIT
Projektligji i strehimit social është publikuar në faqen zyrtare të Kryeministrisë, sipas së cilit janë disa lloje programesh strehimi ku përfshihen: programi i banesave sociale me qira ( BSQ); programi për "Njësitë e vetëqeverisjes vendore sigurojnë që familjet dhe individët, të cilët nuk kualifikohen si përfitues në njërin program, të kenë mundësi për të kaluar dhe përfituar në një program tjetër, kur plotësojnë kushtet ligjore", - nënvizohet në projektligj.
përmirësimin e kushteve të banesave ekzistuese, deri në një ndërtim të ri; programi i banesave me kosto të ulët ( BKU); ai për zhvillimin e zonës me qëllim strehimi; programi për krijimin e banesave të përkohshme; si
dhe programi i banesave të specializuara. Por strehimi konsiderohet i përballueshëm nëse familja me të ardhura mesatare nuk shpenzon më shumë se 30 për qind të të ardhurave të saj mujore për sigurimin e një strehimi të përshtatshëm. Gjithashtu, ky parim i përballueshmërisë së strehimit vlen edhe kur familja me të ardhura të ulëta nuk shpenzon më shumë se 20 për qind të të ardhurave të saj mujore për sigurimin e një strehimi të përshtatshëm; apo ajo me të ardhura shumë të ulëta nuk shpenzon më shumë se 15 për qind të të ardhurave të saj mujore për sigurimin e një strehimi të përshtatshëm.
"Në shpenzimet për strehimin nuk përfshihen shpenzimet për shërbime të furnizimit me ujë dhe me energji elektrike. Strehimi i familjeve pa të ardhura sigurohet nga institucionet shtetërore, nëpërmjet njërit prej programeve të strehimit social",- theksohet në projektligj. Në nenin 4 citohet më tej se strehimi konsiderohet i përshtatshëm për një individ dhe/ ose familje atëherë kur mundëson një jetesë të sigurt, të qetë dhe me dinjitet në rastet kur plotëson disa kritere si: a) sipërfaqe sipas normave të strehimit dhe standardeve të ndërtimit, të përcaktuara në aktet ligjore e nënligjore; b) shërbime bazë, brenda mjedisit të banimit; c) qëndrueshmëri dhe siguri nga rreziqe që burojnë nga veprimet ose mosveprimet njerëzore, faktorët natyrorë e klimaterikë;
ç) qasje në shërbimet publike, si furnizimi me ujë të pijshëm dhe energji elektrike, largimi i ujërave të ndotura dhe menaxhimi i mbetjeve; d) qasje në shërbime të tjera sociale: arsimim, shëndetësi dhe shërbime të tjera komunitare; dh) qasje të përshtatshme për personat me aftësi të kufizuara, të moshuarit dhe fëmijët, duke lehtësuar shkallën e plotësimit të nevojave të veçanta të banimit për ta. Njësitë e vetëqeverisjes vendore, në planifikimin e zonave të banimit e të programeve të strehimit, respektojnë traditat dhe kulturat e ndryshme të komuniteteve si dhe organet e po këtyre njësive duhet të sigurojnë informacion për çdo individ apo familje; të ofrojnë transparencë në procesin e përzgjedhjes e të publikimit si dhe vënien në dispozicion të dokumentacionit përkatës për të interesuarit; si dhe të ndihmojnë aplikantët që kanë nevojë në plotësimin e formularëve të aplikimit për strehim. "Programet sociale të strehimit ndërthuren me programe të tjera të shërbimeve sociale, kryesisht ato të punësimit, arsimimit e kujdesit shëndetësor. Ministria përgjegjëse për strehimin dhe ministria e linjës, sipas llojit të shërbimit, hartojnë udhë-