Bungo merr 1.8 milionë USD, Mulaj merr 1.3 milionë, KLP asnjë lek

Zbardhet buxheti për institucionet e vetingunt

4.5

milionë dollarë është shuma e përcaktuar në buxhetin e vitit 2018 për organet e vetingut që do bëjnë rivlerësimin e gjyqtarëve e prokurorëve. Sipas të dhënave përfundimtare të Buxhetit të Shtetit për vitin e ardhshëm, të sapopublikuar në Fletoren Zyrtare, pjesën e luanit nga kjo shifër do ta marrë Komisioni i Pavarur i Kualifikimit, shkruan "Scan TV". I kryesuar nga Genta Bungo. Për mbulimin e pagave dhe shpenzimeve të këtij organi është përcaktuar shuma prej rreth 1.8 milionë dollarësh. Kolegji i Apelimit, i kryesuar nga Natasha Mulaj, do përfitojë nga buxheti i shtetit rreth 1.3 milionë dollarë. Për Komisionerët Publikë është parashikuar një fond prej afro 500 mijë dollarësh. Në buxhetin e vitit 2018 bie në sy mungesa e fondeve për shpenzimet e Këshillit të Lartë të Prokurorisë, i cili nuk është konstituuar ende, duke sjellë për pasojë edhe përplasjet e ashpra që shoqëruan zgjedhjen e kryeprokurores së përkohshme Arta Marku. Ndërkohë që në dispozicion të Këshillit të Lartë të Drejtësisë, organ

VETINGU

Për mbulimin e pagave dhe shpenzimeve të këtij organi është përcaktuar shuma prej rreth 1.8 milionë dollarësh. Kolegji i Apelimit, i kryesuar nga Natasha Mulaj, do përfitojë nga buxheti i shtetit rreth 1.3 milionë dollarë.

i konstituuar vetëm pak muaj më parë, është vënë një fond prej rreth 900 mijë dollarësh. Shpenzimet janë shumë më të ulëta nga sa kërkuan vetë komisionet e vetingut. Kjo, pasi qeveria rrëzoi kërkesat e tyre për paga që shkonin deri në 6 mijë dollarë në muaj, duke përcaktuar paga sa afërisht gjysma e kësaj shume.