Basha: Protesta të pandërprera, deri në largimin e qeverisë
PD nis përgatitjet e protestave nga zona e Tahirit: S'do i shpëtojë dot drejtësisë "Beteja për Kushtetutën, të përmbysim pakicën"
Kreu i opozitës, Lulzim Basha nisi një tur takimesh me qytetarët në kuadër të përgatitjeve për protesta popullore në fillim të janarit. Nga Kombinati, e njohur si zona elektorale e ish- ministrit të Brendshëm, Basha paralajmëroi Saimir Tahirin se nuk do të mund t'i shpëtojë dot drejtësisë. "Nuk ka prokuror të përkohshëm, nuk ka prokuror pa veting, nuk ka prokuror politik që shpëton Saimir Tahirin nga drejtësia. Mbajeni mend, shënojeni dhe ndajeni këtë lajm, këtu, në zonën e tij elektorale me çdo qytetar. Saimir Tahiri nuk do t'i shpëtojë drejtësisë, sikundër fati i shefit të tij politik është i vulosur", deklaroi z. Basha. Kreu i PD- së i ftoi shqiptarët të bashkohen me protestat e opozitës për t'i dhënë fund asaj, që ai e quan sundim mafioz i Edi Ramës, i cili ka për qëllim të përdorë çdo mjet për të ruajtur pushtetin dhe pasurimin personal, kundër interesit të shumicës së shqiptarëve. Basha zhvilloi një takim me qytetarë të njësisë 6 në kryeqytet, ndërsa bashkimin me shqiptarët e ka lajtmotiv të turit që ai ka nisur. "Kjo situatë është e paqëndrueshme. Kjo nuk mund të zgjasë më. Politikisht, ky do të jetë viti i fundit i zullumit, Edi Rama dhe banda e tij e kanë vulosur fatin e tyre. Përballje totale në të gjitha frontet dhe protestë pa pushim deri në largimin dhe mundjen përfundimtare të së keqes", tha z. Basha. Kreu i PD- së shprehu bindjen se vetëm largimi i Edi Ramës është zgjidhja që vendi të dalë nga kriza politike, ekonomike dhe morale, ndërsa solli si argument marrëveshjen, që siç thotë ai, iu imponua para zgjedhjeve të qershorit. "Tregoi para shqiptarëve që zgjidhja hibride nuk funksionon. Që pa larguar shkaktarin e kësaj të keqe, nuk do të kemi zgjedhje të lira dhe të ndershme", theksoi ai. Sipas Bashës, beteja e nisur nga opozita në mbrojtje të demokracisë dhe interesit të shqiptarëve është një betejë e shumicës së ndershme kundër pakicës se korruptuar dhe të kriminalizuar. "Këta janë një pakicë absolute, që u bënë milionerë me paratë e drogës, që u bënë milionerë me koncesionet korruptive. Shqiptarët nuk kanë përfituar nga kjo. Një pakicë absolute që hanë e pinë nga mëngjesi deri në darkë me krimin dhe drogën. Shumica e shqiptarëve janë të ndershëm. Ne përfaqësojmë këtë shumicë absolute. Le ta thërrasim, le ta bashkojmë, le ta përballim, le ta përmbysim pakicën që i ka marrë "Kërkojmë marrjen e menjëhershme të masave për të dënuar maksimalisht dhe për të vënë përpara përgjegjësisë penale dhe administrative, deputetët burra dhe punonjësit e Policisë së Shtetit, që ushtruan akte dhune ndaj grave deputete, si dhe vetë nxitësin e këtyre akteve, Edi Ramën", - thuhet në letrën drejtuar z. Ruçi nga deputetet e PD- LSI. frymën vendit", u shpreh z. Basha. Kreu demokrat u bëri thirrje shqiptarëve që të mos pajtohen me të keqen. Z. Basha në kuadër të festave të fundvitit takoi ishdrejtues të Policisë së Shtetit të liruar nga detyra, por edhe zyrtarë aktualë të saj. Ai shprehu vendosmërinë e PD- së dhe opozitës në tërësi për t'i shkuar deri në fund betejës kundër drogës dhe lidhjeve kriminale të qeverisë. Z. Basha falënderoi të pranishmit për kontributin e dhënë, ndërsa shtoi se tashmë shqiptarët e kanë kuptuar dhe e dinë fare mirë kë kanë kryeministër, i cili krah të djathtë ka Saimir Tahirin, që po hetohet nga krimet e rënda për lidhjet e tij me Habilajt në trafikun e drogës. Basha paralajmëroi një intensifikim të betejës opozitare në 2018- ën, duke shtuar se koha po ndryshon me shpejtësi. Kreu demokrat tha se sfida që ka sot opozita është t'u ofrojë shqiptarëve një alternativë të besueshme, një rrugë të re, e cila do të nxjerrë vendin nga kriza e thellë sociale dhe ekonomike, ku e futi Edi Rama.