Letra për Trump, Bushati: Veprim i pamenduar dhe i nxituar nga presidenti
Ministri i Jashtëm, 4 raste kur Shqipëria ka votuar kundër SHBA "Ekskluzivitetin në formulimin e politikës së jashtme e ka qeveria"
Ministri i Jashtëm, Ditmir Bushati e cilësoi dje si të nxituar dhe të pavend letrën që Presidenti i Republikës, Ilir Meta i dërgoi Presidentit Donald Trump në të cilën i kërkonte ndjesë për qëndrimin e Shqipërisë kundër vendimit të Shteteve të Bashkuara të Amerikës për të njohur Jerusalemin si kryeqytet të Izraelit, në Asamblenë e OKB- së. "Nuk kam asnjë lloj dëshire të komentoj veprimet e pamendurara, të
nxituara që mund të marrin aktorë të ndryshëm, përfshirë këtu edhe Presidentin e Republikës. Faktet flasin qartë, trillimet janë një çështje tjetër, çdokush është i lirë të shkruajë, të përdorë pozicionin shtetëror, por mund të them që Shqipëria është një Republikë Parlamentare. Ekskluzivitetin në formulimin e politikës së jashtme e ka qeveria", u shpreh ministri i Jashtëm në një intervistë për TV "Klan". Të gjithë ata që e cilësuan si votë kundër Shteteve të Bashkuara të Amerikës, përfshirë edhe kreun e shtetit, ministri i quan diletantë. "Është për të ardhur keq, sepse të gjithë këta që kanë folur për këtë çështje, përfshirë dhe Presidentin e Republikës nuk kanë marrë mundimin për të lexuar tekstin e rezolutës së votuar ku nuk ka asnjë paragraf as për SHBA, as për qëndrimin e Presidentit Trump. I gjithë ky teatër absurd që po luhet gjithë këto ditë nga këto diletantë, të krijon përshtypjen e një teatri të lodhur, të krijon përshtypjen që ky grup aktorësh të mbetur pa kauzë nuk kanë çfarë bëjnë gjë tjetër, veçse të spekulojnë mbi këtë çështje, e cila në fakt duket sikur do ta nxjerrin Shqipërinë një shtet qesharak që nuk është", u shpreh më tej Bushati. Në intervistën për TV "Klan", Bushati bën publike dhe 4 raste kur Shqipëria ka votuar ndryshe nga Shtetet e Bashkuara për raste që kanë të bëjnë me çështjen e Lindjes se Mesme. "Po i referohem 2011- ës, duke qenë se ish- kryeministri, ish- presidenti, presidenti aktual kur ka qenë deri para pak kohësh ish- ministër i Jashtëm. Kjo është rezoluta për Jerusalemin, mund ta kërkojë secili prej këtyre personave që unë përmenda. Shqipëria ka votuar pro, SHBA me një grup shumë të vogël shtetesh kanë votuar kundër. Kjo nuk E vetmja çështje ku Bushati ka të njëjtin qëndrim me Presidentin Meta është dhënia e nënshtetësisë kreut të Kishës Ortodokse Autoqefale Shqiptare. Bushati nuk e sheh dhënien e shtetësisë në sfondin politik dhe thotë se nuk do të ketë ndonjë ndikim në procesin e dialogut me shtetin fqinj.