Dy muaj pa paga, 300 naftëtarë të Ballshit e të Fierit nisen në këmbë drejt Tiranës

"Ministri Gjiknuri tha se zgjidhja e problemit është e komplikuar dhe e vështirë" Kreu i KSSH, Kol Nikollaj: Nuk janë paguar as sigurimet shoqërore për një vit

Protestat e naftëtarëve janë përshkallëzuar edhe më tej ditën e djeshme, ku 300 punonjës janë nisur në këmbë drejt kryeqytetit për të kërkuar të drejtat e mohuara, ashtu si banorët e fshatit Zharrëz disa muaj më parë. Plot 1200 naftëtarë të Uzinës së Përpunimit të Naftës në Ballsh dhe 200 punonjës të fabrikës së Fierit nuk kanë marrë ende pagat e muajit nëntor e dhjetor, madje pretendojnë se edhe sigurimet shoqërore e shëndetësore nuk u janë paguar prej një viti. Në një intervistë për "Gazeta Shqiptare", kreu i Konfederatës së Sindikatave Shqiptare, Kol Nikollaj tregon se ditën e djeshme patën një takim me ministrin e Energjisë dhe Industrisë, Damian Gjiknuri. Më tej Nikollaj u shpreh se ministri e shikonte të vështirë zgjidhjen e menjëhershme të problemeve, pasi naftëtarët ndodhen në një situatë të trashëguar e të agravuar negativisht prej shumë kohësh.

Cili është shkaku që naftëtarët e Ballshit e Fierit marshuan drejt kryeqytetit për të protestuar ditën e sotme ( djeshme)?

Problemi i naftëtarëve është i ndërlikuar dhe paraqet vështirësi për t'u zgjidhur, pasi ka kohë që ka lindur si efekt i mungesës së transparencës, abuzimit e korrupsionit. Të gjitha procedurat e privatizimit dhe pastaj të kalimit të pronës dhe të drejtave janë bërë në mënyrë antiligjore dhe me mungesë të plotë transparence. Situata ka agravuar aq negativisht saqë shpresat janë shumë të pakta, nëse nuk ka një përkushtim dhe bashkëpunim të gjithë faktorëve dhe aktorëve të përfshirë në këtë vorbull.

Sa është numri i naftëtarëve që nuk kanë marrë pagat?

Janë rreth 200 punonjës të fabrikës së Fierit, që nuk janë paguar për nëntorin dhe dhjetorin, si dhe 1200 naftëtarë të Ballshit që kanë pa marrë 12 paga të prapambetura të viteve të kaluara, ku po përfundojnë proceset gjyqësore, të hapura pikërisht për këtë

arsye. Janë mbi 600 procese gjyqësore të fituara nga sindikata jonë me kompaninë dhe 600 të tjera në proces gjykimi.

Cila është arsyeja e kësaj mospagese?

Situata agravoi pasi nuk u paguan pagat e nëntorit dhe dhjetorit dhe puna u ndërpre, pasi Inspektorati Qendror u kujtua se firma private punonte me pajisje nën presion të pakolauduara dhe të pacertifikuara. Njëkohësisht ndoshta interesi i punëdhënësit nuk është që të vazhdojë më tej punën, ndoshta ka mbaruar kontrata, pasi askush se ka bërë kurrë transparente kontratën e fillimit të punës që qeveria e trumbetoi me bujë si shpëtimin e zgjidhjen e sit-

uatës.

A janë paguar sigurimet shoqërore të naftëtarëve?

Nuk janë paguar as taksat, as sigurimet shoqërore e shëndetësore për gjithë vitin, pavarësisht kërkesës dhe presionit pozitiv të ushtruar nga sindikata.

Ju sot ( dje) patët një takim me ministrin Gjiknuri. Cilat ishin kërkesat që parashtruat?

Ne takuam sot ( dje) ministrin Gjiknuri e kërkuam që kompania të supervizohet urgjent nga shteti dhe të bëhet transparente nga strukturat ligjzbatuese të shtetit. Mundësisht të gjendet një investitor i sigurt e transparent. Por pse jo, edhe ti afrohet Bankersit, pasi është e vetm- "Ne kemi filluar protestën para Prefekturës së Fierit dhe aktualisht ndodhemi në Lushnjë. Pavarësisht se 1200 vetë kanë punuar në muajin nëntor, ata ende nuk e kanë marrë pagën e mundin e tyre nga kompania", - tha për "GSH" pasditen e djeshme, kreu i sindikatës, Kamber Iljazi.

ja kompani që e mbyll ciklin e nxjerrjes dhe përpunimit të naftës në vend. Kështu do u jepej zgjidhje shumë problemeve njëherësh, por gjithmonë me prioritet pagat dhe shpërblimet e punëtorëve. U diskutua dhe kalimi me pagesë papunësie i punonjësve si zgjidhje ligjore e qeverisë, përkohësisht deri në rivënien në pune.

Cila ishte përgjigja që morët nga ministri Gjiknuri?

Pasi dëgjoi problematikat tona, ministri Gjiknuri shprehu shqetësimin e tij lidhur me situatën, por e shikonte të vështirë zgjidhjen e menjëhershme, pasi kemi një situatë të trashëguar e të agravuar negativisht në kohë të

gjatë e të ngatërruar juridikisht ndërmjet privatizimit dhe transferimit të herëpashershëm në mënyrë korruptive dhe joligjore.

Nëse nuk merren pagat e naftëtarëve, ju si sindikatë si do të procedoni më tej?

Debati do të vazhdojë këto ditë pa ndërprerje. Ne si sindikatë kërkojmë zgjidhje shteruese, të drejtë ligjërisht dhe në favor të punëtorëve e në përmbushje të kërkesave të tyre. Ne jemi tërësisht të përfshirë për një zgjidhje në favor të punëtorëve. Pavarësisht nga mënyra ekstreme e protestës së tyre, ne jemi pjesë e tyre dhe së bashku me ta do t'ia dalim, qoftë edhe me çmim të shtrenjtë.

Cila është thirrja juaj si kreu i KSSH- së për zgjidhjen e situatës?

Ju bëj thirrje dhe njëherë që punonjësit të jenë të bashkuar, të kenë besim te të zgjedhurit e tyre, të mos manipulohen politikisht nga askush e të mos mashtrohen e miklohen nga punëdhënësi, siç edhe ka ndodhur.