YLLI MERJA: Si të luftoni sëmundjet e zemrës me bimë medicinale
Mjeku popullor: Kujdes, nëse nuk kuroheni në kohë, mund të pësoni infarkt "Efektet çudibërëse të mështeknës e murrizit"
Sëmundjet e zemrës janë sëmundje që vijnë duke u shtuar në mënyrë progresive e rastet janë në rritje, janë sëmundje që zgjasin gjithashtu. Nëse kemi konsumuar shumë kolesterol e i kemi mbushur arteriet me pllakëza kolesteroli, ato një ditë do të bllokohen e do të vijojnë të krijojnë problematika të ndryshme në vazhdimësi. Cipa e jashtme e zemrës, dy shtresat e saj fillojnë ndonjëherë të mbushen me ujë nga shkaqe të ndryshme infektive që mund të ketë pësuar zemra.
SIMPTOMAT
Njeriu nëse e kupton, nëse e parandien mund të shkojë tek mjeku duke i treguar në mënyrë të detajuar simptomat dhe shenjat klinike që i kanë shkaktuar këtë shqetësim. Nëse një person ka anoreksi, këputje trupore, një bllokim të kraharorit e ngushtim të tij, një vështirësi në frymëmarrje, vështirësi në ecje në rrugë të gjata, atëherë personi ka të bëjë më një perikardit. Cipa e zemrës kryen dy funksione kryesore: mbështjell zemrën dhe përmban disa fibra që nuk e lejojnë infektimin e zemrës ( së bashku me degëzimet e aortave dhe venave). Në rastet kur mes cipës së zemrës dhe perikardit shtohet likid ( ujë i brendshëm), krijohet më tej një vështirësi, sepse zemra duket sikur punon në ujë. Përveç kësaj, aty fillojnë që të na shfaqen probleme të tjera.
KURIMI ME BIMË MEDICINALE
Në vendin tonë rriten bimë me vlera të mëdha kurative si mështekna, dëllinja, murrizi, të cilat njihen si luftuesit më të mirë ndaj kësaj sëmundjeje. Por, mështekna e njohur në gjuhën shkencore si betulae folium arrin të largojë ujin nga zemra falë përbërësve të fuqishëm që mbart, duke krijuar një lehtësim shumë të
madh në punën e këtij organi. Pas konsumimit të çajit të mështeknës, zemra e njeriut të sëmurë arrin të punojë në mënyrë ritmike dhe pa u infektuar. Ndërsa nëse do të shohim problematika të tjera, jo vetëm vështirësi në frymëmarrje e ngushtim të kafazit të kraharorit, por edhe mpirje të krahut të majtë, atëherë pacienti duhet të shkojë tek mjeku dhe të mirëdiagnos- tikohet. Pra, ndezja e kraharorit, bllokimi e tendenca për të qëndruar të kërrusur para, janë shenja të qarta të një inflamacioni të miokardit dhe në këto raste preket muskulatura e zemrës. Kështu, shtresa e zemrës fillon të pësojë ngushtim të enëve të qarkullimit të gjakut. Arteria koronare fillon të bllokohet e ngushtohet për shkak të ndonjë pllake kolesteroli apo gjaku të mpiksur, si pasojë gjaku ose qarkullon me vështirësi, ose nuk qarkullon fare. Nëse i sëmuri nuk kurohet, atëherë zemra gradualisht mund të dalë jashtë funksionit, çka mund të shkaktojë edhe infarkt. Njerëzit duhet të tregohen tejet të kujdesshëm me konsumimin e tepërt të yndyrnave dhe kolesterolit. Për të shkrirë pllakat e kolesterolit duhet të përdoren të gjitha bimët që përmbajnë acide organike. Murrizi ka në përbërjen e tij acidin triterpenik, i cili ka aftësinë për t'i shkrirë këto pllakëza dhjamore. Pacientët e sëmurë mund të përdorin gjithashtu çajin e gjelbër, i cili jep rezultate të kënaqshme, pasi përmban jo vetëm antioksidantë që ndihmojnë minimizimin e kolesterolit. Ndërkaq, edhe molla e egër e cila rritet në shumë zona të vendit tonë ka aftësinë e mrekullueshme për të luftuar sëmundje, pasi shërben si një antioksidues e pastrues. Të gjitha bimët e sipërpërmendura mund t'i konsumoni në formën e çajit të ngrohtë. Kur sëmundja kapet në fazat fillestare, i sëmuri konsumon çajin e përgatitur me këto bimë, arteriet fillojnë të çlirohen dhe rifillojnë punën më se normalisht. Edhe uthulla e mollës, apo e rrushit të mirë mund të përdoret për zhbllokimin e arterieve. Kur kllapat e zemrës mbushen me pllaka kolesteroli, nuk funksionojnë mirë.
TRAJTIMI I ARITMISË DHE TENSIONIT
Kur pacienti diagnostiko- het nëpërmjet elektrokardiogramës, shfaqen amplituda jo të njëjta e distanca jo të njëjta nga njëra rrahje e zemrës në tjetrën, atëherë kemi të bëjmë me një aritmi. Për kurimin e kësaj sëmundjeje, fara e avocados është shumë e mirë për t'u përdorur, edhe gjethja apo lulja e likopsit gjithashtu. Ka raste kur aritmia e zemrës shfaqet edhe nga ndonjë çrregullim i stomakut, pra një njeri që ka aciditet të tepërt, ka gromësima, ndodh që ushqimi të godasë në tavanin e stomakut dhe të krijojë shqetësime nervore. Këto lëvizje të stomakut ngacmojnë pjesën e poshtme të zemrës dhe kjo fillon të japë ndonjëherë edhe aritmi. Pra, duhet bërë mirë identifikimi i shkaqeve që i sëmuri t'i japë sa më shpejt të jetë e mundur një zgjidhje situatës. Infeksionet e zemrës mund të shkaktojnë edhe çrregullime të tensionit, ku ndonjëherë mund ta ulë e në raste të tjera mund ta rrisë, veçanërisht kur arteriet janë të bllokuara. Për të normalizuar tensionin e lartë, mund të përdoret speci djegës, i cili ka një substancë, që ka vetinë të zgjerojë enët e qarkullimit të gjakut. Konsumimi i specit djegës na mbron nga infarkti i miokardit. Edhe nëse i vendosim këmbët brenda një ene me ujë, në temperaturën 4045 gradë, atëherë tensioni do të ulet menjëherë. Ndërsa mjafton vetëm një lugë kafeje me shafran për normalizimin e tensionit, ose një kokërr kripë poshtë gjuhës kundër tensionit të ulët.