U hoqën si refugjatë nga Kosova, dy shqiptarë fitojnë nënshtetësinë britanike
Ministria e Brendshme: Do ndjekim të tjera rrugë ligjore për dëbimin nga vendi "The Sun": Fituan betejën në Gjykatën Supreme
Mediat angleze vi jojnë të shkruajnë sërish për fenomenin e shqiptarëve që u hoqën si refugjatë lufte për të hyrë në Britaninë e Madhe dhe për të fituar më tej shtetësinë. "The Sun" u kushton një artikull dy shqiptarëve që kanë fituar betejën në Gjykatën Supreme dhe nuk mund të depërtohen më nga Anglia, fenomen ky gjithnjë e më shumë shqetësues për shoqërinë atje, ndonëse mund të kenë kryer krime. "Dy shqiptarë që u shtirën si refugjatë kosovarë kanë fituar betejën me Gjykatën Supreme, duke pamundësuar deportimin e tyre. Me mijëra të tjerë tani mund të lejohen të rrinë në Britani edhe nëse kanë kryer krime të rënda", raporton "The Sun". Njëri nga ta është 40- vjeçari Dinjan Hys- aj, i cili në vitin 1999 u lejua të qëndronte në Britani. Në vitin 2011, ai u burgos për pesë vjet pasi goditi me shishe qelqi një person tjetër në një lokal në Hemel Hempstead, Herts. Shqiptari tjetër është Agron Bakijasi, 44 vjeç, i cili u zbulua më 2007- ën, kur partnerja e tij u kthye në Shqipëri. Por, ai riaplikoi duke përdorur dokumente të falsi- fikuara dhe iu dha nënshtetësia britanike. Ministria e Brendshme ( Home Secretary) dha urdhër që të dy këta persona të deportoheshin, pasi u zbuluan gënje- shtrat e tyre, por ata e çuan rastin e tyre në Gjykatën Supreme. Avokatët e tyre ia dolën me sukses të argumentonin se gënjeshtra për të fituar nënshtetësinë nuk mjafton për t'ua mohuar atyre këtë të drejtë. Në përfundim, Gjykata e Supreme vendosi në favor të dy shqiptarëve, duke argumentuar se: "Nuk është e qartë, kur përdorimi i identitetit të rremë për të fituar nënshtetësinë mund të çojë në anulimin e saj. Në rastin aktual, as kërkuesit nuk pretendojnë që të jenë dikush që nuk janë. Tani shpenzimet gjyqësore për të dy do të paguhen nga taksapaguesit britanikë, një vlerë që shkon në 1 milion Paund", shkruan "The Sun". Pas vendimit gjyqësor, Ministria e Brendshme e Britanisë së Madhe tha se do të ndjekë të tjera rrugë ligjore për dëbimin nga vendi të dy shqiptarëve. Shqetësimi më i madh i britanikëve tani është fakti se një rrugë të tillë mund ta përdorin edhe persona të tjerë, që mund të kenë kryer krime të rënda.