ALUIZNI: 1230 pronarët që duhet të paguajnë faturën për tapitë
Tarifa për regjistrim të objekteve të legalizuara është 5000 lekë Publikohen edhe emrat e përfituesve të lejeve të ndërtimit
ALUIZNI publikon listën me 1230 per sonat që kanë marrë lejet e legalizimeve dhe që duhet të paguajnë tarifën prej 5 000 lekësh për të marrë tapitë. Gjithashtu, ALUIZNI publikon edhe listën me 314 persona që kanë gati lejet e legalizimeve. Përfituesit e dy kategorive janë në Tiranë. "Lista me 1230 pronarët për kryerjen e pagesës së tarifave të shërbimit për pajisje me certifikatë pronësie. Subjektet duhet të paraqiten pranë Drejtorisë së ALUIZNI- t, Tirana Veri, me adresë: Rruga ' Skënder Kosturi', Tiranë, për të marrë njoftimin për të kryer pagesën e shërbimit për aplikim në llogarinë bankare të ZVRPP- së", - thuhet në njoftimin e publikuar në faqen zyrtare të ALUIZNI- t. Ndërsa, personat që kanë ndërtuar pa leje dhe kanë gati lejet e legalizimeve janë në të gjithë kryeqytetin. Ndërkohë që procedurat për marrjen e tapisë do të ndiqen nga AULIZNI, i cili dorëzon dosjen e plotë në hipotekë. Menjëherë pas regjistrimit të certifikatës së pronësisë, përfituesit do të njoftohen për tërheqjen saj. Pas ndryshimeve të fundit ligjore, qytetari do të marrë një kopje për të vërtetuar mbarimin e procesit të legalizimit, por e gjithë procedura vijuese për regjistrimin në Zyrën e Regjistrimit të Pa- surive të Paluajtshme do të bëhet nga Agjencia. Ndërkohë që sipërfaqja e parcelës, për të cilën miratohet kalimi i së drejtës së pronësisë nuk mund të jetë më e madhe se trefishi i sipërfaqes së bazës së ndërtimit dhe për ndërtimet pa leje me funksion banimi jo më shumë se 500 m ² . Sipërfaqet mbi masat e përcaktuara në këtë pikë, të cilat për shkak të përmasave ose konfiguracionit nuk mund të shfrytëzohen më vete për ndërtim, i shiten poseduesit të ndërtimit pa leje sipas vlerës së pronës, të miratuar me vendim të Këshillit të Ministrave, vetëm nëse ka shprehur më parë vullnetin, nëpërmjet një kërkese me shkrim. Gjithsej leje legalizimi të dhëna në periudhën 2006- 2015 janë 57.000. Me ndryshimet që pësoi ligji nr. 9482/ 2006 në vitin 2014 dhe 2015 dhe me miratimin e kuadrit të plotë të akteve nënligjore, u bë i mundur përshpejtimi i rit- meve të procesit të legalizimit, duke mundësuar legalizimin e 15.294 ndërtimeve në vitin 2014 dhe 19.714 të tjerave për periudhën janar- 26 tetor 2015. Sipas ligjit në fuqi, kur ndërtimi pa leje disponohet nga një subjekt, kontrata e kalimit të pronësisë së parcelës ndërtimore dhe objektit që legalizohet regjistrohen në emër të subjektit që disponon objektin. Ndërsa në rastin kur ndërtimi pa leje disponohet nga më shumë se një person fiz- ik ose juridik, regjistrimi i pjesëve takuese mbi pasuritë ( parcelë dhe objekt) kryhet: në pjesë të pandara, ideale, sipas numrit të subjekteve; në pjesë takuese të ndara, sipas marrëveshjes së nënshkruar ndërmjet subjekteve lirisht dhe të depozituar brenda afatit të vetëdeklarimit. Subjektet mund të përcaktojnë përveç pjesës takuese, edhe pjesët fizike respektive, nëse ndërmjet tyre përputhet vullneti.