Asambleja Kombëtare, PS shton sekretarët, hyjnë emra të rinj

Pritet rikonfigurim i emërtimeve të departamenteve aktuale 100 ditët e para të qeverisjes, prezantohen prioritetet e 2018- ës

Partia Socialiste do të shtojë në strukturën e saj edhe dy sekretarë të rinj. Në mbledhjen e Asamblesë Kombëtare që do të mbahet nesër pritet që të ketë një rikonfigurim të sekretariatit të partisë, për shkak të ndryshimit të rrethanave, në të cilat PS po qeveris vendin. Emrat e rinj që do të përfshihen në sekretariatin e partisë janë ende duke u diskutuar në tryezën e sekretarit të përgjithshëm të PSsë, Taulant Balla. Ende nuk dihet nëse do të jenë saktësish dy ata që do të shtohen, apo më shumë. Por, në fakt pritet një riemërtim në departamentet ekzistuese. Kështu, nuk dihet nëse do të vazhdojë të quhet sërish Sekretariati për Organizimin e Burimeve Njerëzore dhe Marrëdhëniet e Koalicionit, ai që sot drejtohet nga Musa Ulqini, për shkak se PS qeveris e vetme dhe jo në koalicion. Ose do të mbetet si strukturë për t'u përgatitur për zgjedhjet vendore të vitit 2019. Po kështu, një tjetër sekretariat është ai që drejtohet nga ish- deputeti Alfred Peza, Sekretariati për Organizimin Digjital. Edhe për këtë sekretariat nuk dihet nëse do të vijojë të ekzistojë. Ndërkohë, dy nga sekretaret aktuale të PS- së, Blerina Gjylameti dhe Elisa Spiropali kanë më shumë ngarkesë. Veç të qenit deputete, ato mbajnë edhe postet e reja që u ngarkoi kryeministri Edi Rama pas pezullimit të funksioneve që mbante Saimir Tahiri në PS. Kështu, Blerina Gjylameti tashmë është edhe sekretare për koordinimin elektoral, por edhe kryetare e PS- së për Tiranën. Ndërsa Elisa Spiropali veç

postit të sekretares së rinisë, të qenit deputete, mban edhe postin e koordinatores kombëtare për bashkëqeverisjen në PS. Mbetet në diskutim rikthimi i Sekretari-

atit për Marrëdhëniet me Jashtë, tek i cili përflitet emri i Mimi Kodhelit. Megjithatë, lista e saktë pritet të zbulohet nga sekretari i përgjithshëm i PS- së, Taulant Balla, ditën e shtunë, në orën 10: 00, në mbledhjen e Asamblesë Kombëtare, e cila është e para për këtë vit. Sipas rendit të ditës të publikuar në faqen zyrtare të PS- së, mbledhja e asamblesë do të nisë me një raport për realizimet në 100 ditët e para të qeverisjes dhe prezantimi i prioriteteve për vitin 2018. Një informacion mbi ecurinë e procesit të "Bashkëqeverisjes me njerëzit" do të bëhet nga koordinatorja kombëtare për bashkëqeverisjen, Elisa Spiropali. Më pas, anëtarët e asamblesë do të marrin informacion për ecurinë e procesit të zgjedhjeve në strukturat vendore të partisë nga sekretari për Organizimin Administrativ të Partisë, Bashkim Fino. Në fund pritet që të miratohet agjenda vjetore politike dhe organizative e PS- së për vitin 2018 si dhe ndryshimet në strukturën e Sekretariatit Ekzekutiv. Gjatë këtij viti, PS ka pasur zgjedhje në disa degë të saj, për shkak edhe të ndryshimit që iu bë statutit të partisë që në kongresin e fundit. Kryetarët e degëve të PS- së tashmë kanë një pagë për këtë funksion, ndaj edhe iu kërkua që nëse mbajnë edhe një post publik në administratë, të zgjedhin mes dy funksioneve. Për këtë, një pjesë e kryetarëve të degëve u tërhoqën, duke lënë të lira postet në parti. Gjithë ky organizim është menduar të bëhet që në fillim të vitit, në mënyrë që puna të vihet përpara për shkak të përgatitjes që do të kërkojnë zgjedhjet vendore, edhe pse një vit më pas. Nuk dihet nëse do të ketë ndonjë ide që në këto zgjedhje PS të dalë me koalicion me LSI- në apo një parti tjetër, por siç duken kushtet, nuk do t'i afrojnë dot dy partitë e së majtës.