Kontrollet në skaner, bizneset dhe pasagjerët braktisin portin e Durrësit
Drejtori Artjan Qirici: Radhët dhe vonesat kanë sjellë situatë të rëndë në ekonominë e portit Katër supertragete nisen bosh drejt Italisë
Radhët e gjata dhe vone sat e nisjes së kamion ëve me mallra kanë tkurrur të ardhurat në portin e Durrësit, i cili është më i madhi në vendin tonë. Një situatë e tillë është shkaktuar nga kontrollet që bëhen në skanerin e këtij porti për çdo mjet që del. Kjo me urdhër të policisë dhe të doganës. Të pakënaqur nga vonesat dhe dëmi ekonomik që po u shkaktohet, shumë biznese po braktisin portin e Durrësit, duke gjetur rrugë të reja për transportin e mallrave të tyre. Ndërkohë që edhe pasagjerët po e braktisin këtë port. Mësohet se mbrëmjen e së martës, në pikun e fluksit, nga porti i Durrësit janë nisur drejt Italisë katër tragete. Pritshmëritë e autoriteteve kanë qenë të mëdha përsa i përket numrit të pasagjerëve dhe të mallrave nga kjo pikë kufitare, por efektet e radhëve të gjata në skaner janë ndjerë në fluksin e këtij fundviti. Rreth 1800 pasagjerë janë nisur me katër tragete gjigante, që operojnë në linjat Durrës- Bari të kompanive të lundrimit. 405 kanë qenë autovetura, ndërsa 67 kanë qenë kamionë që janë nisur. Ky, një numër shumë i vogël dhe i papër- fillshëm për kapacitetet përpunuese që ka porti i Durrësit dhe kapacitetet që kanë në shërbim kompanitë e lundrimit. Të dhënat janë bërë me dije për "Gazeta Shqiptare" nga Kapiteneria e portit të Durrësit.
1800 pasagjerë pritej që të kishte vetëm një prej trageteve që operon në këtë linjë, ndërsa të katër tragetet kanë ndarë këtë numër, duke e bërë të papërfillshëm numrin total të pasagjerëve që kanë zgjedhur të kalojnë në vendet e tyre të punës nga pika kufitare e portit të Durrësit. As veturat dhe as kamionët e mallrave nuk kanë qenë në pritshmëri, duke bërë që ky të jetë në vit jo i mirë përsa i përket të ardhurave për portin më të madh të vendit. Kjo është periudha kur pritej fluksi i nisjes së emigrantëve për në vendet e tyre të punës, por siç shihet ata kanë zgjedhur rrugën tokësore nëpërmjet pikës kufitare të Muriqanit apo edhe linjave ajrore me aeroportin.
REAGIMI I KREUT TË PORTIT
Në një prononcim për me- diat, drejtori i portit të Durrësit, Artjan Qirici deklaroi se "kontrollet e bëra në skaner të të gjithë mjeteve edhe të atyre që nuk kanë risk, kanë sjellë situatë të rëndë për ekonominë e portit. Porti i Durrësit jo vetëm që ka humbur konkurrencën me portin e Selanikut, por edhe me të Barit në Mal të Zi". Gjithashtu, kreu i portit tha se është vënë në dijeni edhe ministri i linjës, Damian Gjiknuri, nga i cili kërkohet një zgjidhje e shpejtë, pasi në të kundërt subjektet e biznesit do të braktisin përfundimisht këtë port. Për çdo natë, në portin më të madh të vendit, radha e kamionëve për të hyrë në terminal është disa kilometra. Kamionët e ngarkuar me mallra presin me ditë për t'u nisur nga port për shkak të kontrolleve, ndërsa çdo vonesë përkthehet në kosto për biznesin që operon nga ky port. Nga ana tjetër, Qirici bëri me dije se Autoriteti Portual i Durrësit ka vendosur që në muajin e parë të këtij viti të ripozicionojë skanerin në portin e Dur- rësit. Kjo masë është marrë pas shumë problematikave të theksuara, me të cilat janë ndeshur bizneset në këtë port gjatë vitit 2017, por njëkohësisht për të krijuar edhe një korridor të sigurt për kamionët e transportit të mallrave. "Skanimi i detyrueshëm i të gjitha mjeteve ka krijuar jo pak radhë tek të gjithë kamionët që nisen për eksport në Itali të ngarkuar me mallra, por njëkohësisht si rezultat i amullisë së madhe që krijohet nga vonesat, porti i Durrësit bllokohet. Ne kemi një projekt që do ta vëmë në zbatim muajin e parë të vitit. Një shesh prej 10 mijë metra katrorë do të jetë në dispozicion të skanerit. Pas tij, do të vendosim një korridor të posaçëm për kamionët që dalin për eksport, sepse duam të shmangim radhët që krijohen", tha Qirici.