KLSH kallëzon në prokurori ish- kreun e Prokurimeve

Shkeljet në Prokurimet Publike

Kontrolli i Lartë i Sh tetit kallëzon në prokurori ish- kryetarin e Komisionit të Prokurimit Publik. Gentian Kerri, dy ish- anëtarë dhe dy anëtarë aktualë të këtij institucioni akuzohen se i kanë shkaktu- ar buxhetit të shtetit një dëm prej 248,868,262 lekësh. Përmes një njoftimi për shtyp, KLSH bën të ditur se nga auditimi rezultoi që Komisioni i Prokurimit Publik në shqyrtim të pjesshëm të disa prej ankesave të operatorëve të ndryshëm ekonomikë ( pjesëmarrës në procedurat e prokurimit) ka vendosur me pa të drejtë kualifikimin dhe shpalljen fitues të oper- atorëve ekonomikë të skualifikuar nga KVO- të si dhe skualifikimin me pa të drejtë të disa operatorëve ekonomikë të shpallur si fitues në procedurat e prokurimit. Gjithashtu, referuar gjetjeve të auditimit rezulton që KPP ka vendosur që të kualifikojë dhe shpallë si fitues operatorin ekonomik, me ofertën më të lartë, ndërkohë që asnjëri prej operatorëve ekonomikë nuk plotësonte kriteret kualifikuese. "Për tri nga vendimet e Komisionit të Prokurimit Publik të konstatuara me shkelje nga auditimi i KLSH- së, KLSH me shkresën nr. 859/ 7, datë 31.12.2017 i ka përcjellë organit të Prokurorisë kallëzim penal ndaj ish- kryetarit të KPP- së ( G. K.) si dhe dy prej ish- anëtarëve ( S. K., J. H.) dhe dy prej anëtarëve aktualë ( L. G. dhe H. B.) të këtij institucioni me akuzën e ' Shpërdorimit të detyrës' dhe ' Shkeljes së barazisë së pjesëmarrësve në tendera apo ankande publike'. KPP ka shpërfillur në mënyrë flagrante dokumentacionin bashkëlidhur ankesave të operatorëve ekonomikë, si dhe atë të operatorëve të tjerë ekonomikë, ndaj të cilëve drejtohej ankimi duke konkluduar më pas në mënyrë të paargumentuar në kualifikimin dhe skualifikimin e tyre, kjo e konfirmuar në një rast edhe nga vendimmarrja e Gjykatës Administrative, Tiranë", - thuhet në njoftimin e KLSH- së.