Basha: Gjithçka mund të ndodhë kur mungon liria e medias
Shtrëngim duarsh dhe të qeshura në 27- vjetorin e ' RD', Patozi: S'erdha për kryetarin Falënderon themeluesit, nuk harron Blushin
Figura të rëndësishme politike dhe ato të me dias u bënë mbrëmë bashkë në festën e organizuar për 27- vjetorin e të themelimit të gazetës "Rilindja Demokratike". Kreu i PDsë, Lulzim Basha organizoi një pritje me njerëz të medias dhe politikës në kremtimin e 27- vjetorit të krijimit të gazetës së parë opozitare "RD". Z. Basha falënderoi themeluesit dhe gazetarët e parë, të cilët punuan për ngritjen e një gazete ndryshe nga shtypi i kohës. "Dua ta nis falënderimin me dy kryeredaktorët dhe bashkëthemeluesit, Frok Çupi dhe Mitro Çela. Po ashtu falënderoj edhe studentët gazetarë të cilët punuan vullnetarë, Blendi Fevziun, Ben Blushin, Armand Shkullakun etj.. ' RD' do të ketë përherë një vend të veçantë në historinë jo vetëm të PD- së, por edhe të Shqipërisë. ' RD' është nga të paktat media të lira. Është një ditë e reflektimit për lirinë e fjalës", theksoi z. Basha. Në ceremoni ku ishin shumë të ftuar, kryetari i PD, Lulzim Basha u shpreh se festa e "RD" është festa e fjalës së lirë, festa e të gjithëve. Basha u shpreh se gazeta "Rilindja Demokratike" do të ketë një vend të veçantë në historinë e Shqipërisë. "Për lirinë dhe kontributet, ' RD' do të ketë një vend të veçantë jo vetëm në Partinë Demokratike, por në historinë e Shqipërisë. Në këtë përvjetor përgëzoj të gjithë ata që kanë kontribuuar në këtë gazetë. Festa e ' RD' është festa e fjalës së lirë, festa e të gjithëve", u shpreh Basha. Sipas tij: "Pesha kryesore në këtë mision u takon njerëzve të medias dhe intelektualëve të fjalës. Ndaj sot dua t'u kujtoj gazetarëve dhe intelektualëve publikë fjalët e Ayn Arendt: Në çastin kur nuk kemi më lirinë e medias, gjithçka mund të ndodhë. Ajo që mundëson sundimin e çdo lloj autokracie dhe diktature është se njerëzit nuk janë të informuar. E si mund të kesh një opinion nëse nuk je i informuar? Nëse dikush gënjen "Politika ka rolin kryesor për ta ngjallur këtë besim, por roli i intelektualëve të fjalës dhe të medias është po aq i rëndësishëm. Ndaj ju uroj të gjithëve më shumë besim dhe frymëzim për një Shqipëri të lirë, demokratike dhe europiane si ajo që përshkroi ' Rilindja Demokratike' që në ditët e para të saj", deklaroi z. Basha.