Plagoset rëndë 40- vjeçari në Tiranë, ja historia e tij
Qëllohet me 5 plumba Korab Peposhi. Policia: Pista e hetimit, hakmarrja Shpallet në kërkim autori Fredi Rrushi
Një ngjarje e rëndë ka ndodhur mesditën e djeshme në afërsi të urës së Institutit Bujqësor, në kryeqytet, ku si pasojë ka mbetur i plagosur 40- vjeçari Korab Peposhi. Burime pranë forcave policore bëjnë me dije se shtetasi Fredi Rrushi dyshohet të jetë personi, i cili ka qëlluar me 5 plumba 40- vjeçarin. Shkak i konfliktit dyshohet të ketë qenë një debat i momentit, çka ka përfunduar me përdorimin e armëve. Dyshohet se në konflikt morën pjesë disa persona, për vetëm njëri mbeti i plagosur me armë zjarri. Policia ka ngritur pikat e kontrollit për kapjen e autorëve të ngjarjes, teksa u sekuestruan edhe kamerat e sigurisë së zonës. Një tjetër pistë që policia po heton është ajo e hakmarrjes, pasi viktima dhe autori njiheshin më parë. Sakaq mësohet se i plagosuri është dërguar në spital dhe ndodhet nën kujdesin e mjekëve. Nga ana tjetër, forca të shumta të "Shqiponjave" janë vënë në ndjekje të autorit dhe po punohet për arrestimin e tij.
Autori i plagosjes së 40vjeçarit Peposhi, Fredi Rrushi nuk është një emër i panjohur për policinë, pasi rezulton person me precedent penal. Mësohet se Rrushi ka qenë i dënuar më parë për një plagosje të ndodhur në Kamzë dy vite e ca më parë. Ndërkohë, edhe i plagosuri, Korab Peposhi është person me prece- dent penal, pasi në gusht të 2011 është arrestuar në Itali për kokainë. Ngjarja e rëndë ku u përfshi Rrushi u regjistrua tre ditë para Vitit të Ri, në 28 dhjetor 2015, në vendin e quajtur bulevardi "Blu", pranë vilës nr. 23 Kamzë. Për këtë ngjarje u dënua me 10 vite burg i riu Amarild Dushku, pasi plagosi rëndë, shtetasit Klevis Halili dhe Jurges Mullaj dhe 5 vite burg shokut të tij, Fredi Rrushi. Amarild Dushku dhe Fredi Rrushi pas një debati për hedhjen e fishekzjarrëve janë konfliktuar fizikisht me të dëmtuarit Klevis Halili dhe Jurges Mullaj. Më pas pranë dy viktimave u afrua një mjeti tipit "Benz" me targa gjermane DO 107 C, i drejtuar nga i pandehuri Amarild Dushku, ndërsa brenda ishte dhe Fredi Rrushi, ndërsa është qëlluar me breshëri nga brenda me një
armë zjarri ndaj Klevis Halilit dhe Jurges Mullajt. Në atë kohë u raportua se shkaku i konfliktit ka qenë fakti se Jurges Mullaji kishte hedhur një
fishekzjarr në afërsi të një bilardoje ku ndodhej Amarild Dushku. Kaq ka mjaftuar që mes tyre të nisë një sherr që degjeneroi deri në përdorimin e armës.