Opozita proteston në 27 janar, Basha: Pa kthim, asgjë s'na ndal
Vendimi i Grupit të PD- së, jo bojkot Kuvendit në seancën e 15 janarit Demokratët, takime me bazën për strategjinë politike
Opozita do të protest ojë mesditën e 27 jan arit përpara Kryeministrisë kundër qeverisë "Rama" deri në largimin e saj nga pushteti përmes krijimit të një qeverie antimafia. Prej muajsh opozita bashkohet rreth një kërkesë, largimin e qeverisë "Rama" dhe krijimin e një qeverie antimafia. Vendimi për të protestuar më 27 janar në orën 12: 00 u mor dje gjatë takimeve që kreu i opozitës, Lulzim Basha, pati me grupin parlamentar të demokratëve dhe krerët e partisë në rrethe. Opozita ndërkohë do të jetë në Parlament më 15 janar, kur çelet sesioni i ri parlamentar, duke u dhënë fund opsioneve për bojkot apo djegies së mandateve të deputetëve. Kryetari i PD- së ftoi qytetarët shqiptarë t'u bashkohen protestave të opozitës për ta nxjerrë vendin nga udhëkryqi dhe kriza e rëndë ku e ka futur Edi Rama me bashkëqeverisjen e tij me krimin. "Ftojmë të gjithë shqiptarët të shtunën, më 27 janar në orën 12: 00, të na bashkohen në një protestë mbarëpopullore kundër varfërisë, krizës ekonomike, papunësisë, padrejtësisë dhe drejtësisë së kapur politikisht, drejtësi për të papunët, të rinjtë dhe studentët", deklaroi z. Basha. Edhe në këtë stinë të re protestash, objektivi politik i opozitës është largimi i kryeministrit dhe krijimi i një qeverie antimafia. "T'i japim fund kësaj paligjshmërie përmes një qeverie antimafia me mandatin që të organizojë zgjedhje të lira dhe të ndershme", theksoi kreu i PD- së. Në takimin që pati me të zgjedhurit demokratë, Basha kërkoi nga deputetët e grupit parlamentar që të shkojnë në zonat e tyre elektorale dhe të takohen me qytetarët. Z. Basha do të vijojë turin e takimeve në rrethe, ku do t'u bëjë thirrje qytetarëve të bashkohen të shtunën e 27 janarit në bulevard për të protestuar. Z. Basha përmendi se qëllimi kryesor dhe i vetëm i opozitës është lufta ndaj paligjshmërisë, që sipas tij po sundon sot në vend dhe krijimi i një qeverie antimafia. "Drejtësia është kapur politikisht. Duam drejtësi për të papunët, për studentët, për ata që duan ta ndërtojnë jetën në Shqipëri. Gjithçka nis nga kthimi i ligjshmërisë në vend. Sot kemi një narkoshtet, i ndërtuar mbi paligjshmërinë. Paligjshmëria është themeli i zgjedhjeve të kapura, i votës së blerë, që ka çuar në një Parlament qeveri e kryeministër të paligjshëm. Pasojat e paligjshmërisë i ndjen çdo shqiptar. Papunësia ka shkak kryesor