"Puçi kushtetues", PD kërkon dorëheqjen e kreut të Kuvendit
Debati në Konferencën e Kryetarëve, Paloka i afrohet Ballës, debaton me Ruçin "Shkeli Kushtetutën me zgjedhjen e Markut"
Opozita në të parën mbledhje të Konfer encës së Kryetarëve, pas seancës plenare ku u votua kryeprokuroja e përkohshme, kërkoi dje dorëheqjen e Gramoz Ruçit. Sipas demokratëve, në seancën e 18 dhjetorit u realizua "puç kushtetues" me zgjedhjen e kryeprokurores së përkohshme, Arta Marku. Por kërkesa e opozitës duket se nuk u mor parasysh nga mazhoranca. Demokratët e bojkotuan mbledhjen, ndërsa mazhoranca diskutoi kalendarin 3- javor të punimeve të Kuvendit, ku më e rëndësishme duket nisja e shqyrtimit të kandidaturave që zgjidhen nga parlamenti për Këshillin e Lartë Gjyqësor dhe Këshillin e Lartë të Prokurorisë. Kreu i deputetëve socialistë, Taulant Balla përmendi se këto janë pjesë e Reformës në Drejtësi dhe kushte për hapjen e negociatave. Ai përsëriti apelin e kryesocialistit, që të bëhen bashkë me opozitën për të ardhmen europiane të vendit. Nga ana e tij, kreu i grupit parlamentar të PD- së, Edmond Spaho bëri të qartë se opozita do të vijojë marrëdhënien e kushtëzuar me parlamentin, pasi mazhoranca vazhdon të shkelë ligjin dhe Kushtetutën e vendit.
INCIDENTI
Mbledhja e djeshme e Konferencës së Kryetareve u shoqërua me një incident në përfundim të saj. Gjithçka ndodhi kur demokratët po braktisnin sallën. Burime brenda mbledhjes bëjnë me dije se nënkryetari demokrat, Edi Paloka, u kërkoi kolegëve të largohen pasi po hasnin në refuzimin e socialistëve dhe të kryetarit të Kuvendit, i cili nuk dha një përgjigje për kërkesën e opozitës për dorëheqjen e tij. Kryetarit i Kuvendit mësohet t'i jetë drejtuar me fjalët: "Pse po ikni"?. "Ti nuk po reagon. Mos mendoni pse jemi këtu dhe gjithçka mund ta drejtoni si normalisht. Ne vërtet duam t'i kthejmë normalitetin dhe dinjitetin parlamentit. Ty t'u tha se ke shkelur Kushtetutën, që ke shkelur rregulloren dhe ti je përgjegjës direkt", - mësohet t'i ketë thënë Paloka, kryeparlamentarit Ruçi. Taulant Balla mësohet se nuk ka qëndruar indiferent ndaj akuzave të kundërshtarit politik. Fjalët e socialistit nuk janë dëgjuar mirë dhe Paloka ka kërkuar të dijë se çfarë tha. "Ta bësh me shkrim", mësohet t'i ketë thënë Balla, kolegut demokrat. Në këto momente mësohet e Paloka i është afruar krye- Pasi Balla postoi në "Instagram" një foto të karrigeve bosh të demokratëve shoqëruar më mbishkrimin, "Fati i keq për Shqipërinë për këtë opozitë që ka frikë nga drejtësia", Paloka reagoi në ' FB': "T'i bësh replikë Ballës është si të shkelësh me dëshirë mbi bajgë…".
tarit të grupit socialist dhe e ka sharë dhe më pas është larguar bashkë me kolegët demokratë nga salla. Nga a e tij Kuvendi njoftoi se kreu Gramoz Ruçi kërkoi që në programin e punimeve të Kuvendit të përfshihen me përparësi zbatimi i vendimeve të Gjykatës Kushtetuese, për efektet në legjislacion, duke u shprehur se: "Kemi detyrimin kushtetues që të bëjmë implementimin e vendimeve të Gjykatës Kushtetuese dhe në momentin e parë që të jenë gati, t'i përfshijmë në kalendarin e punimeve". Z. Ruçi u ndal edhe tek çështja e KLGJ dhe KLP, duke përmendur se Kuvendi ka afate të përcaktuara në ligj dhe do të vijojë me zbatimin e tij për plotësimin e vendeve që përcaktohet nga Kuvendi i Shqipërisë. "Lidhur me KLGJ dhe KLP ka afate precize me ditë, me orë, se çfarë duhet të bëjë Kuvendi. Ne nuk kemi detyrime për ato që i takojnë gjykatës apo prokurorisë, por kemi detyrime për pesë kandidatët që vendos Kuvendi, qoftë për KLGJ, qoftë për KLP. Deri dje ( pardje) ka qenë vakumi që Shoqëria Civile nuk kishte plotësuar detyrimin e saj kushtetues. Tashmë nuk ka asnjë pengesë. Ligji shprehet qartë se cilat janë detyrat e sekretarit të përgjithshëm të Kuvendit. Ai ka marrë porositë që të zbatojë në mënyrë rigoroze ligjin dhe brenda datës 15 janar 2018 do t'i paraqesë Komisionit të Ligjeve verdiktin e tij. Atëherë Komisioni i Ligjeve brenda tri ditëve duhet të miratojë rregulloren dhe duhet të përcaktojë komisionin përkatës për KLGJ dhe KLP", - u shpreh z. Ruçi.