PS riorganizim bazës, Rama delegon Beqajn në Kukës, e zëvendëson me Xhaçkën
Mbledhja e qeverisë në Lezhë, diskutohet reforma e ujit e Viti i Skënderbeut Kreu i PS- së mbledh sot deputetët e Korçës e Elbasanit
Kryeministri Edi Rama mbledh sot, në Lezhë qeverinë. Ndërsa të shtunën aktiviteti i kreut të qeverisë dhe ministrave vijon me takime në zona të ndryshme të qarkut. Ashtu siç është bërë zakon, pas Dibrës, mbledhja e kabinetit qeveritar këtë herë bëhet në Lezhë, ku do të merren vendime që i përkasin zonës. Rreth orës 16: 30 kryeministri do të prezantojë në një konferencë për shtyp vendimet e marra. Ndërsa më pas do të organizohet një event kushtuar Vitit të Skënderbeut. Në axhendë do të ketë edhe një takim të kryeministrit dhe ministrave me drejtuesit qendrorë e vendorë të qarkut Lezhë. Agjenda e ditës së shtunës vijon me një mëngjes pune i ministrave me drejtues të institucioneve të varësisë. Në orën 09: 30 të së shtunës kreu i qeverisë do të takojë drejtues të institucioneve qendrore, kryetarët e bashkive, kryetarët e grupeve të këshillave bashkiakë, kryetarë këshillash bashkiakë, prefekti, kryetar qarku, etj, për të diskutuar për reformën e ujit, turizmin dhe zhvillimin e agroturizmit, shërbimet si dhe Vitin e Skënderbeut. Të shtunën paradite do të nisin edhe vizitat e ministrave në terren. Kryeministri së bashku me deputetët e zonës, ministren Lindita Nikolla dhe deputetin Pjerin Ndreu do të jenë në një inspektim në Portin e Shëngjinit, për t'u njohur me projektet për zhvillimin e tij. Fundjavën e ministrave do ta mbyllë një event publik për bashkëqeverisjen në Pallatin e Kulturës në Rrëshen.
NDRYSHIMET NË PS
Ndërkohë dje, paradite, kryeministri, në cilësinë e kryetarit të PS- së takoi deputetët e qarqeve Dibër e Kukës. Ai ka bërë edhe lëvizjet e radhës në delegimet e deputetëve. Kështu Mimi Kodheli dhe Ilir Beqaj do të jenë të deleguar në Kukës, ku është kërkuar që të ketë një riorganizim më të mirë në këtë vit, para zgjedhjeve lokale. Ndërsa ministrja e Mbrojt- jes, Olta Xhaçka është deleguar në qarkun e Dibrës, ku zëv-
endëson Ilir Beqjen. Sot pritet që kryeministri Rama të presë në Kryeministri, para se sa të niset për në Lezhë një takim me deputetët e qarkut të Korçës dhe Elbasanit. Në këtë fillim viti, PS po merret seriozisht me organizimin e
degëve të saj, në të gjithë vendin, të cilat, që pas zgjedhjeve të përgjithshme nuk kanë qenë me kapacitet të plotë. Në disa prej degëve ende nuk ka kryetarë, ndaj edhe Rama ka lënë porosi që ata të zgjidhen deri në shkurt.