Parlamenti maqedon: Shqipja, gjuhë zyrtare. Rama- Meta: Arritje historike
Ligji u votua nga 69 deputetë, bojkotoi VMRO- DPMNE. Kreu i BDI: Pritet Ivanov Gjuha shqipe, për herë të parë do të përdoret edhe në qeveri
PKryeministri Edi Rama e cilësoi miratimin nga parlamenti maqedonas të ligjit të gjuhës shqipe, një arritje historike për shqiptarët, por që demokratizon e forcon edhe vetë Maqedoninë. "Miratimi nga parlamenti në Shkup i ligjit të gjuhës shqipe, një arritje historike për shqiptarët që demokratizon e forcon vetë Maqedoninë", tha ai. arlamenti i Maqedo nisë votoi dje ligjin për përdorimin e gjuhëve të bashkësive etnike, me të cilin avancohet përdorimi zyrtar i gjuhës shqipe në të gjitha organet e pushtetit qendror. Të 69 deputetët e pranishëm në sallën plenare votuan pro ligjit dhe nuk pati asnjë votë kundër dhe asnjë abstenim. Ndërkohë që partia opozitare VMRO- DPMNE, duke e cilësuar ligjin si antikushtetues e bojkotoi votimin, të gjithë deputetët e saj dolën nga salla plenare në kohën e votimit.
Sipas ligjit të miratuar, gjuha shqipe do të përdoret në të gjitha mbishkrimet e institucioneve të nivelit qendror, krahas atyre në pushtetin lokal, ku gjithashtu gjuha shqipe është zyrtare në komunat ku shqiptarët përbëjnë mbi 20 për qind të numrit të përgjithshëm të popullatës. Gjuha shqipe do të përdoret për herë të parë edhe në qeveri, si në të folur edhe në të shkruar. Përdorim të njëjtë të gjuhës shqipe do të ketë edhe në parlament, përfshirë edhe kryesuesin e seancave nëse është shqiptar, por edhe në të gjitha organet e tjera të pushtetit qendror, ndërmarrjet publike, agjencitë dhe drejtoritë. Përdorimi zyrtar i gjuhës shqipe do të zbatohet edhe në të gjitha tabelat udhëzuese të institucioneve shtetërore. Gjuha shqipe nuk do të përdoret në bankënota dhe në uniformat e armatës, por partnerët e koalicionit qeverisës kanë arritur marrëveshje që në bankënota të përdoren simbole kulti, që do të reflektojnë edhe ato shqiptare. Institucionet detyrohen që në afat prej gjashtë muajsh fillimisht t'i ndryshojnë emrat ose mbishkrimet në hyrje të institucion- it dhe t'i shkruajnë ato njëlloj në shqip dhe maqedonisht, me madhësinë e njëjtë dhe pamjen e njëjtë. Përveç kësaj, institucionet dhe njësitet rajonale obligohen t'i bëjnë në dy gjuhë edhe vulat e tyre. Një vit nga hyrja në fuqi e ligjit, institucionet duhet t'i zbatojnë ndryshimet tërësisht dhe për ato institucione që nuk do të zbatojnë këto ndryshime ligjore, do të aplikohen gjoba prej 4 deri në 5 mijë euro. Ndërsa, ndaj zyrtarëve ose administratorëve që nuk e respektojnë këtë parim do t'u zbritet 30 për qind nga rroga.
REAGIMET
Miratimi i ligjit solli reagime të shumta në Maqedoni, Kosovë e Shqipëri. Presidenti i Shqipërisë, Ilir Meta e cilësoi "një akt të rëndësishëm jo vetëm për shqiptarët, por edhe për të ardhmen evropiane të Maqedonisë". Kryeministri Edi Rama u shpreh se kjo është "një arritje historike për shqiptarët, por që demokratizon e forcon edhe vetë Maqedoninë". Presidenti i Kosovës, Hashim Thaçi nga ana e tij tha se "miratimi Presidenti i Shqipërisë, Ilir Meta, e vlerësoi ligjin për lejimin e gjuhës shqipe në Maqedoni. "Një akt i rëndësishëm jo vetëm për shqiptarët, por edhe për të ardhmen evropiane të Maqedonisë", u shpreh dje Presidenti Ilir Meta, i cili tha se këtë lajm të mirë e mori sapo zbriti në aeroportin e Lubjanës në Slloveni. i këtij ligji është një hap i rëndësishëm i zbatimit të Marrëveshjes së Ohrit". Kreu i opozitës në Shqipëri, Lulzim Basha përshëndeti këtë moment, duke thënë: "Është një hap i rëndësishëm përpara në realizimin e statusit të gjuhës shqipe në Republikën e Maqedonisë". Zëvendëskryeministri maqedonas, Hazbi Lika në emër të ekzekutivit përgëzoi miratimin e Ligjit për Përdorimin e Gjuhëve, i cili u miratua sot në Parlamentin e Republikës së Maqedonisë edhe me shumicë të dyfishtë, me 69 vota pro. Kryetari i Bashkimit Demokratik për Integrim në Maqedoni, Ali Ahmeti, e cilësoi miratimin e ligjit për përdorimin e gjuhëve, një festë të madhe për të gjithë shqiptarët. Kryetari i grupit parlamentar të BDIsë sqaroi se, "nëse Ivanov mban fjalën e thënë në dhjetor të vitit të kaluar, që do të kundërshtojë ligjin për gjuhët, atëherë ky ligj brenda 30 ditëve do të rikthehet në Kuvend në seancë plenare, ku do të rivotohet edhe njëherë me 61 vota pro". "Vlerësoj qëndrimin e forcave politike maqedonase, që mbështetën me votën e tyre këtë ligj, i bindur se kjo votë është një kontribut i rëndësishëm për bashkëjetesën etnike dhe konsolidimin e një shoqërie demokratike në Maqedoni", u shpreh Basha.
DITMIR BUSHATI
"Miratimi i ligjit është një investim me rëndësi të veçantë për forcimin e demokracisë, respektit dhe mirëkuptimit ndëretnik. Në të njëjtën kohë, ky akt është një gur themeli për një të ardhme më të mirë e më të sigurt euroatlantike të fqinjit tonë".
KRYEMADHI
"Pas vendimit për shpalljen festë zyrtare të ditës së alfabetit, ditës së Kongresit të Manastirit, miratimi i ligjit të dygjuhësisë në Maqedoni është një hap tjetër emancipues shtetëror. Heqja dorë nga tabutë, duke përfshirë heqjen dorë nga emri historik, siç deklarohet dhe çlirimi nga frika prej gjuhës së tjetrit përbëjnë dukuri evropianizuese të Maqedonisë fqinje, të cilën Shqipëria e njohu e para si shtet të pavarur", tha kryetarja e LSI- së.