Ministrja Nikolla: Bursa studimi për maturantët ekselentë që zgjedhin mësuesinë
Kurse anglishteje falas në universitetet publike
Të
gjithë maturantët ekselentë që gjatë aplikimit në universitete do të zgjedhin një prej degëve të mësuesisë, do të përfitojnë bursa studimi. Kjo deklaratë është bërë nga ministrja e Arsimit, Sportit e Rinisë, Lindita Nikolla, e cila theksoi se nisma do të merret për të rritur interesin e të rinjve për këto programe. "Do të ndërmarrim të gjitha iniciativat e nevojshme për të mbështetur me bursa studimi ekselentët maturantë që zgjedhin të jenë mësues. Që këtë vit, kriteret për t'u pranuar në universitete për fakultetet e mësuesisë, do të jenë shumë më të forta dhe për sa i takon qeverisë ne po diskutojmë atë që ligji na njeh si detyrim për të parë se sa ne do të rrisim mesataren për të gjithë maturantët që kërkojnë të studiojnë mësuesi", - tha Nikolla në fjalën e saj. Më tej ajo shtoi se niveli pedagogjik aktual i mësuesve nuk është në lartësinë e duhur, e si pasojë po ndiqet kjo praktikë për të tërhequr vëmendjen e ek- selentëve. Ky takim kishte në fokus ofrimin e praktikave të punës, si në administratën publike, ashtu edhe në sektorin privat, për të gjithë të rinjtë që përfundojnë studimet e larta e kanë nevojë për aftësim të mëtejshëm.
Ndërkaq, gjatë prezantimit të programit kombëtar të praktikave të punës, ministrja e Arsimit, Lindita Nikolla bëri me dije se të gjithë universitetet publike në vend do të ofrojnë kurse falas të gjuhës angleze. "Ky 6- mujor do të jetë 6- mujori që starton puna e përgatitjes edhe në një aftësi tjetër, që është aftësia e gjuhëve të huaja. Në të gjithë universitetet publike të vendit ne do të mundësojmë kurset e gjuhës angleze falas, jo vetëm për studentët e atij universiteti, por për të gjithë të rinjtë dhe të rejat në ato komunitete ku këto universitete operojnë",- u shpreh ministrja. Kështu, jo vetëm studentët, por edhe të rinjtë e komunitetit në zonën përreth që nuk janë pjesë e universitetit, mund të drejtohen në institucionet e arsimit të lartë e të ndjekin kurse të gjuhës angleze, pa qenë e nevojshme të paguajnë para. Sipas Nikollës, tregu i punës po pëson ndryshime të shumta në një kohë të shkurtër e si pasojë lind domosdoshmëria e përgatitjes sa më të mirë të të rinjve.