Basha: Kryengritje popullore deri në çmontimin e qeverisë së krimit

Kreu i PD: S'ka për të pasur reformë në drejtësi me Ramën kryeministër

Kreu

i PD- së, Lulzim Basha nga Lushnja shprehu bindjen se largimi i Edi Ramës do t'i hapë rrugë një qeverie antimafie, sipas tij e aftë për të zbatuar reformën në drejtësi, që nuk mbron, por ndëshkon kriminelët e veshur me pushtet dhe ministrat e korruptuar. Z. Basha e vazhdoi në Lushnjë turin me të cilin po i paraprin protestës së 27 janarit. Ai tregoi disa statistika se si kriza ekonomike, siç tha ai, po ndihet në çdo familje. Po ashtu etiketoi Lushnjën si qytetin ku bandat përcaktojnë kush punon apo dhe kush merr tenderë. "247 biznese të mbyllura javën e parë të janarit. 13 mijë të mbyllura gjatë vitit të kaluar, po të heqësh të shtunat e të dielat, i bie që janë mbyllur 50 biznese në javë. Edi Rama u ka shpallur luftë njerëzve të thjeshtë të këtij vendi. Rinia është në dëshpërim dhe 70% e atyre që largohen janë të moshës 19 deri në 35 vjeç. Fermerët shqiptarë asnjë kacidhe nuk kanë parë dhe asnjë mbështetje nga shteti", - u shpreh Basha. Ai vuri në dukje se pakti i Edi Ramës me krimin po shkatërron reformën në drejtësi për të mbrojtur pushtetin e vet, të cilin e bleu me paratë e drogës së Saimir Tahirit, Vangjush Dakos, Qazim Sejdinit dhe të korrupsionit të ministrave të tij Arben Ahmetaj, Damian Gjiknuri, Ilir Beqja etj. Kryetari i Partisë Demokratike vuri në dukje se edhe emëri- mi i Prokurorit të Përgjithshëm pa veting dhe kundër Kushtetutës është pjesë e projektit të Edi Ramës për kontrollin politik të drejtësisë dhe mbylljen e dosjeve të krimit dhe korrupsionit qeveritar. "Nuk ka për të pasur reformë në drejtësi me Edi Ramën kryeministër, ndaj protesta e 27 janarit është edhe një thirrje për reformën në drejtësi, për drejtësinë e pakapur. Është një thirrje dhe një bashkim që Saimir Tahiri të shkojë në burg, siç duhet të shkojë në burg çdo ministër, çdo pushtetar vendor apo qendror i faktuar në lidhje me krimin e organizuar dhe i korruptuar deri në palcë me paratë dhe asetet e shqiptarëve", - theksoi Basha. Kreu i opozitës bëri të qartë se 27 janari është dita e një rrugëtimi, që nis me një goditje të fuqishme dhe do të vazhdojë me të gjitha format e kryengritjes popullore deri në

TAKIMI

Lideri i PD- së, Basha dhe ajo e LSI, Kryemadhi kanë shtuar daljet publike së bashku për të konfirmuar bashkëpunimin e ngushtë mes dy partive opozitare. Ata janë parë së bashku në një kafe miqësore në kafenenë e një hoteli në Tiranë. Prezentë ishin bashkëpunëtorët e afërt, Manjani nga LSI dhe Gjana nga PD si dhe kreu i PR, Fatmir Mediu.

çmontimin e qeverisë dhe aleancës me krimin, të kryesuar nga Edi Rama, i cili po e mban larg Shqipërinë nga Europa. "Pjesëmarrja masive në protestën e 27 janarit është sinjali më i qartë, treguesi më i drejtpërdrejt për çdo shqiptar, për zullumqarët dhe për miqtë e Shqipërisë, se ora e Edi Ramës në Shqipëri ka marrë fund. Se një orë e re ka nisur të trokasë. Dhe se ky vend dhe qytetarët e këtij vendi nuk e pranojnë më aleancën me krimin dhe janë të vendosur t'i shkojnë deri në fund betejës për Shqipërinë europiane", - tha Basha. Kreu i PD përmendi se largimi i Edi Ramës do t'i hapë rrugë një qeverie antimafia, e aftë për të zbatuar reformën në drejtësi, që nuk mbron, por ndëshkon kriminelët e veshur me pushtet dhe ministrat e korruptuar.