Rama kryeministër, Strazimiri: Ismail Qemali do ndihej i turpëruar
Deputeti
i PD- së, Gent Strazimiri, e cilësoi dje të turp shme deklaratën e Ramës për suksese të policisë, deklaratë e cila erdhi menjëherë pas shpërthimit me tritol në Shkodër. Me anë të një statusi në "Facebook", Strazimiri shkruan se deklaratat e Ramës flasin për arritje imagjinare të policisë, ndërkohë që e vërteta tregon se në Shqipëri lulëzon krimi dhe droga. Ndërsa shton se Ismail Qemali do të ndihej i turpëruar po ta merrte vesh kush është kryeministër i Shqipërisë. Raporti i Departamentit Amerikan të Shtetit në fillim të këtij viti, thotë se: "Shqipëria është bazë për operacionet rajonale të organizatave të krimit të organizuar. Shqipëria prodhon dhe trafikon sasi të konsiderueshme marijuane, kryesisht për tregun europian. Shqipëria është vend transiti për heroinën dhe kokainën afgane. Shqipëria shërben si një pikë kyçe për shpërndarjen e heroinës në të gjithë Europën. Paratë e krimit pastrohen me lehtësi në Shqipëri. Dhe së fundmi, EUROPOLi thotë se tregu i drogës në Bashkimin Europian është 24 miliardë euro dhe se Shqipëria është burimi kryesor i kanabisit dhe pastrimit të parave dhe trafiku i drogës është rritur. Ismail Qemali do të ndihej i turpëruar kush mban postin e kryeministrit të këtij vendi dhe se si u referohet fjalëve të tij, ai që shkatërroi çdo vlerë morale dhe profesionale në Policinë e Shtetit e që po kalb këtë shoqëri me shembujt që promovon... si vetvetja!", shprehet z. Strazimiri.