Opozita bllokon foltoren, tension në Kuvend për kryeprokuroren
Nis sesioni i ri parlamentar, kreu i Kuvendit: Të bashkëpunojmë për reformat Spaho: Të anulohet farsa e 18 dhjetorit
Sesioni i ri parlamentar nisi dje me tension dhe debate dhe shkak u bë axhenda tri javore e parlamentit. Kryetari i Grupit të PD, Edmond Spaho kërkoi fjalën për të prezantuar amendamentet e propozuara nga opozita për çështjen e kryeprokurores së përkohshme, por kryetari Gramoz Ruçi i kërkoi që të ulet, pasi ishte duke shkelur Rregulloren. Kryetari i Kuvendit u shpreh se ke 10 minuta në dispozicion për të folur për propozimet, por në momentin që do të flasim për kalendarin. Në këtë moment ndërhyri kreu demokrat, Lulzim Basha dhe deputetët e tjerë të PD- së duke bllokuar foltoren, ndërsa Ruçi ndërpreu seancën për 5 minuta. Gjithçka ndodhi pasi opozita kërkonte futjen në rendin e ditës të kërkesës për ndryshimet kushtetuese, që zgjedhja e kryeprokurores të cilësohet inekzistente, e kryeprokurori të zgjidhet me veting e 3/ 5 e votave në Kuvend. Kryeparlamentari Ruçi nuk e futi në rend dite kërkesën e opozitës, e cila braktisi sallën pas këtij momenti. Kreu i Kuvendit Gramoz Ruçi, i cili në nisje të seancës së parë për vitin 2018, bëri apel të gjithë aktorëve politikë që të bëjnë çmos për përmirësimin e legjislacionit dhe rolit të Kuvendit në rolin e tij kontrollues, e veçanërisht sa i përket transparencës. "Ky sesion duhet të jetë i angazhuar për përmirësimin e procesit legjislativ, të rolit kontrollues dhe mbikëqyrës. Për respektimin e parimit të transparencës parlamentare për veprimtarinë e Kuvendit dhe forcimin e bashkëpunimit me shoqërinë civile. Uroj të jetë një fillim i mbarë pune në realizimin e reformave me rëndësi" tha z. Ruçi. Nga ana e tij, kreu i Grupit Parlamentar të Partisë Demokratike, Edmond Spaho, ka prezantuar nismën e opozitës për ndryshimin e ligjit për zgjedhjen e kryeprokurorit të përkohshëm. Nga foltorja e Kuvendit, pas rifillimit të seancës, si pasojë e ndërprerjes për disa minuta, deputeti demokrat i ka tërhequr vërejtje kryeparlamentarit Ruçi. "Nuk është hera e parë që silleni në këtë mënyrë. Ia jepni fjalën deputeti edhe ia ndërprisni. Rasti më flagrant ishte ai me deputeti Berisha, ia dhatë fjalën dhe pastaj ia ndërpretë. Thirret gardën për ta ndaluar. U betuat se do ishit mbrojtës i Kushtetutës dhe Rregullores së Kuvendit kur morët detyrën, por deri më sot vetëm e keni shkelur",- u shpreh deputeti Spaho. Pas kësaj ai prezantoi
nismën e opozitës dhe qëllimin e saj, ndërsa ka kërkuar që të vendoset edhe data e seancës plenare kur do të shqyrtohet kjo nismë. "Ne si opozita kemi ndërmarrë një nismë, që kërkojmë pikërisht këtë, që Kuvendi të kthehet në shina. Të anulohet farsa e 18 dhjetorit për zgjedhjen e kryeprokurorit. Ne deputetët e opozitës kërkojmë që Kuvendi të futet Kreu i PD- së, Lulzim Basha dhe kryetari i grupit z. Spaho i kërkuan z. Ruçit që të fuste në kalendar amendamentet që u depozituan për ndryshimet Kushtetuese për zgjedhjen e kryeprokurorit. Ruçi u përgjigj duke deklaruar se do i njoftonte në fund të seancës, ndërsa opozita vendosi që të bojkotonte votimin. në binarët e Kushtetutës, Kushtetuta të respektohet, dhe ajo seancë ku u emërua në krye të një institucioni një person në mënyrë të paligjshme, të mund të korrigjohet. Ju kërkoj të njoftoni seancën për propozimin e deputetëve të opozitës, dhe automatikisht ky propozim ka hyrë në punimet e Kuvendit të Shqipërisë, sipas Rregullores",- tha z. Spaho.