Ish- të përndjekurit, 12 mijë përfitues rrezikojnë dëmshpërblimin
Ahmetaj: Të paguhet kush nga familjarët ka vuajtur nga regjimi komunist Qeveria ngrin fondin, rishikim skemës, trashëgimtarët që "digjen"
Në kohën që trashëgimtarët e ish- të dënuarve politikë presin të marrin këstin e parë dhe dytë të dëmshpërblimit, qeveria hedh hipotezën për përjashtimin nga ky përfitim i të paktën 12 mijë personave. Bëhet fjalë për brezin e dytë të trashëgimtarëve, të cilët përfitojnë dëmshpërblim në rastet kur prindërit e tyre ishin ndarë nga jeta pa u dëmshpërblyer. Lajmin se qeveria po diskuton përjashtimin nga përfitimi i dëmshpërblimit të trashëgimtarëve që nuk kanë vuajtur drejtpërdrejt nga regjimi komunist e bëri të ditur dje ministri i Financave dhe Ekonomisë, Arben Ahmetaj.
DOSJET
Ministria e Financave lajmëroi se qeveria mund të anulojë kompensimet për trashëgimtarët, veçanërisht përtej brezit të parë. Bëhet fjalë për 12 mijë dosje trashëgimtarësh, të cilat kanë mbetur pezull. "Për trashëgimtarët ka një këndvështrim të ri, që diskutohet brenda qeverisë dhe po deri në vendimmarrje, ai fond për përfituesit trashëgimtarë ka ngrirë deri në një moment kur të kemi qartë politikën, pra do të shlyejmë këstet e të gjithë trashëgi- mtarëve, nuk ka rëndësi brezi i parë, i dytë apo i katërt apo do të kufizojmë", tha ministri i Financave dhe Ekonomisë, Arben Ahmetaj.
SKEMA
Të gjithë trashëgimtarët e ish- të dënuarve dhe burgosurve politikë, që ende nuk kanë përfituar dëmshpërblim, do të duhet të presin. Paralajmërimi është bërë nga vetë ministri i Financave, Arben Ahmetaj, i cili në një konferencë për shtyp sqaroi se qeveria mund të anulojë kompensimet për trashëgimtarët e ish- të përndjekurve politikë, veçanërisht përtej brezit të parë. Sipas ministrit Ahmetaj, qeveria e konsideron të përfunduar dëmshpërblimin për ish- të dënuarit që janë ende gjallë. Për këtë arsye, të vetmit që kanë mbetur janë trashëgimtarët e ish- të përndjekurve. "Ka një këndvështrim të ri që diskutohet brenda qeverisë: do t'i shlyejmë të gjithë, brezin e dytë, brezin e tretë, brezin e katërt pambarim, apo do kufizohemi!", deklaroi ministri i Financave.
LIGJI
Ligji "Për dëmshpërblimin e ish- të dënuarve politikë të regjimit komunist" është ndryshuar për herë të fundit në vitin 2014. Një nga ndryshimet thelbësore ishte ndarja e buxhetit vjetor për dy kategoritë, atë parësore dhe joparësore, të cilët janë trashëgimtarët. "Në bazë të buxhetit vjetor të vënë në dispozicion, fondi i dëmshpërblimit për të ish- të dënuarit politikë nga regjimi komunist do të ndahet në mënyrë proporcionale, në një raport prej 70 për qind për të gjitha kategorinë e subjekteve përfituese parësore, të përcaktuara në paragrafin e dytë të këtij neni dhe 30 për qind për trashëgimtarët e ish- të dënuarve, që nuk bëjnë pjesë në këtë kategori, me kusht që kësti i dëmshpërblimit të mos jetë më i vogël se 100 000 lekë dhe jo më i madh se 1 000 000. Me shlyerjen përfundimtare të dëmshpërblimit të subjekteve përfituese parësore, të përcaktuara sipas këtij neni, i gjithë buxheti vjetor kalon për dëmshpërblimin e trashëgimtarëve të ish- të dënuarve politikë", - thuhet në ligj.
Të gjithë trashëgimtarët e ish- të dënuarve dhe burgosurve politikë, që ende nuk kanë përfituar dëmshpërblim, do të duhet të presin. Paralajmërimi është bërë nga vetë ministri i Financave, Arben Ahmetaj, i cili në një konferencë për shtyp