Institucionet e drejtësisë, opozita nuk voton komisionin e përbashkët
Partitë dorëzojnë emrat, 5 deputetët që do të përzgjedhin anëtarët e KLP dhe KLGJ Bylykbashi: Rama do të kapë anëtarët e prokurorisë
Mazhoranca dhe opozita zgjodhën dje emrat e deputetëve përfaqësues në komisionin ad- hoc, që do të përzgjedhin anëtarët e Këshillit të Lartë të Gjyqësorit dhe Këshillit të Lartë të Prokurorisë. Do të jenë 3 anëtarë nga PS- ja dhe 3 nga opozita. PS do të përfaqësohet me Ulsi Manjën, Vasilika Hysin dhe Klotilda Bushën; PD me Oerd Bylykbashin, i cili do të jetë edhe nënkryetar i komisionit, ndërsa LSI me Nasip Naçon. Opozita mori pjesë në mbledhje, por nuk u përfshi në votimin e rregullores së nënkomisionit. Sipas demokratëve, mazhoranca ka arritur të sigurojë shumicën në vendimmarrjen e KLP- së, që do t'i garantojë kapjen jo vetëm të kryeprokurorit me mandat të plotë, por edhe të SPAK- ut. Deputeti Oerd Bylykbashi shpjegoi skemën se si PS- ja sipas tij po bëhet gati të vendosë nën kontroll politik institucionin më të rëndësishëm të drejtësisë, KLP- në. Nga ky institucion do të dalë kandidatura për Prokurorin e Përgjithshëm dhe do të zgjidhet Prokuroria e Posaçme, SPAK, që ka për detyrë hetimin e krimit të organizuar dhe korrupsionit në nivele të larta. Z. Bylykbashi shpjegoi se PS- ja e ka shtrirë kapjen politike të KLP- së me 11 anëtarë në dy drejtime, duke kontrolluar 5 anëtarët joprokurorë që zgjedh parlamenti dhe duke kontrolluar procesin e zgjedhjes së 6 prokurorëve nëpërmjet presionit të kryeprokurores së përkohshme antikushtetuese. Ish- bashkëkryetari i Komisionit të Reformës në Drejtësi tha se procesi është korruptuar politikisht, që kur në ligj u vendosën filtra antikushtetues, që penguan konkurrimin e lirë të juristëve avokatë, pedagogë dhe shoqërisë civile për 5 anëtarët joprokurorë. Bylykbashi kujtoi se Gjykata Kushtetuese në shumicë 4 me 3, e cilësoi antikushtetues filtrin e vendosur nga mazhora- nca në ligj, por numri 5 për ta rrëzuar zyrtarisht nuk u arrit, sepse Partia Socialiste bllokoi plotësimin e dy vendeve vakante në Gjykatën Kushtetuese, duke mos e mbledhur asnjëherë Këshillin e Emërimeve në Drejtësi, që bën renditjen e kandidatëve për Gjykatën Kushtetuese. Sipas tij, thek- soi se veprimet e PS- së për kapjen politike të KLD- së kulmuan me emërimin kundër përcaktimeve të Kushtetutës të kryeprokurores së përkohshme, nëpërmjet të cilës synojnë të kontrollojnë shumicën e 6 anëtarëve të tjerë prokurorë. Oerd Bylykbashi shpjegoi se lëvizjet joligjore që kryeprokuroja e përkohshme antikushtetuese po bën në prokurori janë sinjali më i qartë i presionit ndaj prokurorëve. Bylykbashi tha se, "në një sistem ' de facto' të centralizuar, prokurorët nën presionin e lëvizjes nga vendi i punës do të votojnë sipas urdhrave të një kryeprokuroreje politike, pa mandat, sepse është emëruar pa veting dhe jo me 3/ 5- at". Ai u shpreh se me shumicën e KLP- së nën kontroll politik, qeveria nuk do të jetë e interesuar për konsensus në parlament, por do të përcaktojë vetë se kush do të jetë Prokuror i Përgjithshëm dhe prej kujt do të përbehet Prokuroria e Posaçme Kundër Krimit të Organizuar dhe Korrupsionit. Bylykbashi tha se kapja politike e Këshillit të Lartë të Prokurorisë nga Edi Rama shpreh frikën e tij se një drejtësi e pakontrolluar prej tij do të përplaste pas hekurave të burgut anëtarët e qeverisë dhe kriminelët që kanë pas. Mazhoranca nuk replikoi, ndërsa sekretari i përgjithshëm i Kuvendit paraqiti raportet e tij për kandidatët.