Sejko: Shqipëria ka avantazhe për të qenë destinacion për investim
Guvernatori i Bankës së Shqipërisë merr pjesë në forumin "Euromoney"
Perspektiva
pozitive e rritjes ekonomike, avantazhet konkurruese që ofron Shqipëria në terma të pasurive natyrore, të pozicionit të favorshëm gjeografik, si dhe stabilitetin në rritje që ofron procesi i anëtarësimit në Bashkimin Evropian, e shndërron Shqipërinë në një destinacion të përshtatshëm biznesi dhe investimi. Ky ka qenë një ndër mesazhet kryesore që guvernatori i Bankës së Shqipërisë, Gent Sejko, ka përcjellë gjatë forumit të "Euromoney". Në datat 16- 17 janar 2018, "Euromoney" organizoi forumin për vendet e Evropës Qendrore dhe Lindore në Vjenë. Ky forum zhvillohet çdo vit dhe mbledh në një tryezë të përbashkët diskutimi personalitete të njohura ndërkombëtare nga fusha politike, ekonomike e financiare nga vendet e EQLsë. Punimet e këtij forumi dyditor ishin konceptuar në formën e paneleve me tema specifike, ku të pranishmit ishin të ftuar të diskutonin mbi zhvillimet më të fundit ekonomike në vendet e Evropës dhe më gjerë. Një rëndësi të veçantë në këtë organizim kishin paneli i dedikuar Shqipërisë dhe ai i bankave qendrore. Pjesë e tryezës së dedikuar vendit tonë ishin guvernatori i Bankës së Shqipërisë, Sejko; zëvendësministri i Financave dhe i Ekonomisë, Erjon Luçi; drejtori i përgjithshëm i Bankës Kombëtare Treg- tare, Seyhan Pencabligil dhe drejtorja e përgjithshme e Finance in Motion, Elvira Lefting. Ky panel trajtoi tema të rëndësishme të lidhura me politikën fiskale dhe ndikimin e saj në rritjen ekonomike të vendeve të Evropës Qendrore dhe Lindore. Gjatë zhvillimit të panelit në fjalë, guvernatori Sejko bëri një panoramë të zhvillimeve më të fundit ekonomike dhe financiare në vend, si dhe i njohu të pranishmit me sfidat kryesore me të cilat përballet ekonomia shqiptare, në kuadrin e politikave makroekonomike dhe reformave strukturore të nevojshme për të nxitur rritjen ekonomike dhe përmirësimin e klimës së biznesit, për tërheqjen e investime të huaja në Shqipëri. Në ndërhyrjen e tij, guvernatori Sejko vuri në dukje tri mesazhe kryesore. Së pari, ekonomia shqiptare po forcohet dhe perspektivat e saj të rritjes janë pozitive, kjo edhe në sajë të kuadrit të kujdesshëm të politikave makroekonomike dhe të angazhimit serioz të autoriteteve për vazhdimin e reformave strukturore. Së dyti, ai theksoi se sistemi financiar shqiptar është i shëndetshëm dhe parame- trat kryesorë të operimit të tij janë drejt përmirësimit. Megjithatë, ky sistem duhet të jetë më realist e largpamës në nxitjen e kreditimit dhe më ambicioz në zhvillimin e segmenteve të reja të tregut financiar. Së fundi, duke theksuar perspektivën pozitive të rritjes ekonomike, duke evidentuar avantazhet konkurruese që ofron Sh- qipëria në terma të pasurive natyrore, të pozicionit të favorshëm gjeografik, si dhe stabilitetin në rritje që ofron procesi i anëtarësimit në Bashkimin Evropian, guvernatori Sejko u bëri thirrje të pranishmëve të rritnin vëmendjen e tyre ndaj Shqipërisë si një destinacion i përshtatshëm biznesi dhe investimi.