Negociatat, Meta: Mazhoranca e opozita të përmbushin me përgjegjësi detyrimet

Presidenti, pritje për trupin diplomatik: Konsideroni zgjerimin

Presidenti

i Republikës, Ilir Meta u kërkoi dje gjatë një pritjeje me trupin diplomatik të gjitha vendeve anëtare të BE- së të "konsiderojnë me peshën e merituar politikostrategjike vendimin për kalendarin e ri të zgjerimit të BE- së drejt rajonit tonë". "Shqipëria ndodhet në një moment kyç të rrugëtimit të saj evropian. Ne kemi pritmërinë legjitime që në 6- muajt e ardhshëm të çelim negociatat e anëtarësimit me Bashkimin Evropian. Është me rëndësi jetike për Shqipërinë dhe rajonin tonë të ndërtohet një agjendë gjithëpërfshirëse edhe me afate inkurajuese anëtarësimi në BE", u shpreh Meta. Veç BE- së, ai u kërkoi partive politike në Sh- qipëri që të përmbushin me përgjegjësi maksimale detyrimet e tyre. "Çelja e negociatave gjatë presidencës bullgare na kërkon shumëfishimin e përpjekjeve të përbashkëta për të garantuar sigurinë në rrugën e përbashkët evropiane të vendit. Ndaj, konfliktet dhe fryma përjashtuese duhet t'i lenë vendin bashkëpunimit dhe dialogut politik për të arritur rezultate më të prekshme e të besueshme për reformat e kërkuara, sidomos në 5 prior- itetet kyçe, duke nisur me reformën në drejtësi dhe luftën kundër krimit të organizuar, korrupsionit, të drejtat e pronës, reforma e drejtë në administratën publike dhe respektimi i të drejtave të njeriut", u shpreh presidenti. Ai tha se shqiptarët presin ngritjen e institucioneve të reja të drejtësisë. "Ndaj, zbatimi i reformës në mënyrë transparente, të përgjegjshme e të paanshme kërkon dialog dhe bashkëpunim të qëndrueshëm e të sinqertë për të garantuar pavarësinë, besueshmërinë dhe qëndrueshmërinë e institucioneve të reja të drejtësisë", tha Meta.