Kryemadhi: PS po kap drejtësinë, do ketë pasoja

Kryetarja e LSI- së, letër ambasadorëve të SHBA e BE: Votuam reformën nëpërmjet garancisë suaj "Roli juaj, i rëndësishëm për një klimë politike larg konfliktualitetit"

Kryetarja e Lëvizjes So cialiste për Integrim, Monika Kryemadhi, iu drejtua dje me një letër dy ambasadorëve të SHBAve dhe BE- së për t'i kërkuar garanci për ndryshimet kushtetuese, propozuar në Kuvend. "Sjellja arrogante e mazhorancës ka minuar rëndë dialogun politik dhe veprimi më i fundit i zgjedhjes në mënyrë të njëanshme të kryeprokurorit të përkohshëm vetëm me 69 vota të mazhorancës, kur duhet të votohej së paku me 3/ 5 e anëtarëve të Kuvendit, në shkelje të hapur të Kushtetutës e të ligjit, ishte një veprim kulmor. Kjo gjithashtu ka ulur mjaft besimin e qytetarëve te reforma në drejtësi, pasi kredoja e kësaj reforme ishte paanësia, profesionalizmi dhe jo kapja politike", thuhet në letrën e firmosur nga Kryemadhi, për Donald Lu e Romana Vlahutin. "Një moment i patolerueshëm është përbuzja e opinioneve të dhëna nga ONM për kandidatë të cak- tuar nga sekretari i përgjithshëm i Kuvendit ( ish- sekretar i përgjithshëm i ministrit Tahiri), ky i fundit megjithëse ONM është shprehur shumë qartë se kandidatë të caktuar si psh., kandidati i shoqërisë civile, z. Alfred Balla, i cili sipas ONM përveçse nuk plotësonte kriteret ligjore, nuk kishte as dhe integritet moral, përkundrazi kualifikohet nga sekretari i përgjithshëm dhe klasifikohet i pari. E njëjta gjë dhe për kandidatin tjetër, z. Andi Muratej, ndërkohë që znj. Qinami, e klasifikuar e para dhe e vetmja që plotësonte të gjitha kriteret, klasifikohet e fundit nga sekretari i përgjithshëm", detajohet në letër. "ONM përfaqësonte praktikisht monitoruesin dhe pjesëmarrësin aktiv të BE dhe SHBA në proces si garant të tij dhe aktualisht kjo garan- ci për fat të keq nuk ekziston më", shprehet Kryemadhi. Sipas saj, "të gjitha veprimet e mësipërme të mazhorancës janë të një linjë politike, që ka prioritet kapjen e drejtësisë. Kjo do të ketë pasoja të rënda politikoshoqërore për vendin, si dhe për pritshmërinë e qytetarëve për një sistem drejtësie të paanshëm dhe të pakorruptuar". Më tej, Kryemadhi u ka renditur ambasadorëve edhe propozimet e bëra në Kuvend për ndryshimet kushtetuese, duke u thënë se për shkak të sjelljes së mazhorancës e ka bërë shumë të vështirë komunikimin dhe bashkëpunimin politik mes mazhorancës dhe opozitës.

NDRYSHIMET

"1. Të anulohet akti antikushtetues i zgjedhjes së Prokurorit të Përgjithshëm të përkohshëm. 2. Të plotësojmë vakumin kushtetues dhe ligjor për zgjedhjen e një Prokurori të Përgjithshëm të përkohshëm, në kushtet e mungesës së KLP- së. 3. Pas plotësimit të vakumit kushtetues dhe ligjor, të bëjmë përpjekje serioze institucionale për të caktuar në Ambasadori i SHBA- ve në Tiranë, Donald Lu, tha dje në një intervistë se për kapjen e ' peshqve të mëdhenj', "nuk duam premtime, duam rezultate. Njerëz seriozë në qeveri dhe në opozitë kërkojnë rezultate. Kjo përpjekje ka mbështetjen e plotë të prokurorëve federalë të SHBA dhe agjencive ligjzbatuese amerikane, ka edhe mbështetjen time të plotë".

mënyrë konsensuale një Prokuror të Përgjithshëm të përkohshëm, që i është nënshtruar paraprakisht procesit të vetingut me procedurë të përshpejtuar. 4. Ofrimin e mundësisë së zgjedhjes së kandidatit më të mirë, nëpërmjet një mekanizmi efikas zhbllokues, në rast se nuk arrihet konsensusi në Kuvend, për të shmangur përdorimin politik, qoftë edhe nga opozita, të këtij procesi", janë këto propozimet e renditura në letër nga Kryemadhi. "LSI është e gatshme që për çështje me prioritet madhor kombëtar, edhe pse mes vështirësish komunikimi, të gjejmë zgjidhje të përbashkëta në interes të qytetarëve", thekson kryetarja e LSI- së. "Reformën që votuam me 140 vota dhe 7 ligjet e paketës së reformës në drejtësi, nëpërmjet garancisë suaj si BE dhe SHBA, ne si LSI i votuam pa asnjë mëdyshje. Partia Demokratike ishte ajo, e cila nuk votoi disa prej ligjeve dhe koha tregoi që konstatimet e tyre ishin të drejta. Dëshirojmë t'ju sigurojmë se do të jemi gjithmonë promotorë të dialogut dhe konsensusit, duke e pasur procesin e Integrimit Europian si pjesë të ADN tonë, jemi të gatshëm të kontribuojmë në implementimin sa më korrekt të reformës në drejtësi", mbyllet letra e Kryemadhit. "Në këto momente delikate për të ardhmen europiane të Shqipërisë, roli juaj është shumë i rëndësishëm për krijimin e një klime politike të re, që largon konfliktualitetin dhe konsolidon kulturën e zbatimit të ligjit dhe veçanërisht të reformës në drejtësi", thuhet në letër.