Deklaratat e Ramës për Kosovën e Maqedoninë, Rusia: Platformë e urryer
Ministria e Jashtme ruse i kundërpërgjigjet kryeministrit shqiptar: Hap konflikte "Ambicie, që vënë në pikëpyetje territore"
Ministria e Jashtme ruse reagoi për de klaratat e kryeministrit shqiptar, Edi Rama, gjatë përvjetorit të FRESSHit, të dielën e shkuar. Kryeministri Rama foli për rolin që ka pasur qeverisja e tij në miratimin e ligjit të dygjuhësisë në Maqedoni, apo edhe në përfshirjen për krijimin e UÇK- së gjatë luftës së Kosovës. "Ne u kushtuam vëmendje deklaratave të Kryeministrit të Shqipërisë, Edi Rama, më 14 janar, lidhur me përfshirjen në formimin e Ushtrisë Çlirimtare të Kosovës dhe ' betejën për Kosovën' si dhe kontributin vendimtar të PS- së në procesin e futjes në Kuvendin e Republikës së Maqedonisë të Ligjit ' Për përdorimin e gjuhëve', sipas të cilit gjuha shqipe në të vërtetë merr statusin e një gjuhe shtetërore", thuhet në deklaratën e ministrisë ruse. Sipas kësaj ministrie, "kjo retorikë e Ramës konfirmon qëllimin për të promovuar më tej ' platformën e urryer të Tiranës', të hartuar me pjesëmarrjen e tij personale. Zbatimi i dispozitave të këtij dokumenti është i mbushur me erozionin e themeleve kushtetuese të shtetësisë maqedonase, Marrëveshjes kornizë të Ohrit dhe si rezultat, goditjet e reja ndëretnike në Ballkan. E gjitha kjo është në përputhje me ambiciet e mëdha shqiptare, që vënë në pikëpyetje integritetin territorial të një numri vendesh në rajon. Duke i kushtuar rëndësi të madhe çështjes së përdorimit të gjuhëve, ne e konsiderojmë thelbësisht të rëndësishme që vendime të tilla të bëhen në bazë të marrëveshjes së të gjitha degëve të pushtetit dhe konsensusit të gjerë në shoqëri", përfundon deklarata e Ministrisë së Jashtme ruse.
KRYEMINISTRI
Ndërkohë, kryeministri Edi Rama, gjatë aktivitetit për 26- vjetorin e themelimit të Forumit Rinor Eurosocialist deklaroi duke folur për rolin e PS- së: "Është kjo parti, që nuk ka lëvizur nga boshti i interesit kombëtar për asnjë moment, kur u shfaq ushtria Çlirimtare e Kosovës dhe kur u zhvillua beteja për Kosovën. Është kjo parti, që nuk ka lëvizur dhe nuk do lëvizë asnjë fije nga boshti i interesit kombëtar në të gjitha marrëdhëniet me fqinjët". Sa i përket Maqedonisë, Rama u shpreh: "Nëse përpara pak ditësh, në parlamentin e Maqedonisë kaloi një ligj që as nuk mund të imagjinohej deri vetëm pak kohë më parë, unë po ju them sot me krenari që duhet të jeni të gjithë krenarë, duhet të jenë krenarë të gjithë ata që e kanë votuar, e kanë mbështetur dhe e kanë besuar këtë parti, sepse pa këtë parti në udhëheqjen e vendit, nuk do të kishte sot gjuhë shqipe të zyrtarizuar me ligj në Maqedoni. Ju e keni dëgjuar të gjithë, e kanë dëgjuar të gjithë shqiptarët për të famshmen Marrëveshje të Ohrit. Marrëveshjen e Ohrit e kishte në majë të gjuhës çdo qeveri e Shqipërisë më parë, e recitonte sa herë kishte mikrofon, por është dashur pikërisht qasja e re, politika e re në marrëdhëniet me fqinjët dhe krijimi i bindjes reale se ne nuk e "Hapja e negociatave me BE është edhe fundi i të gjitha iluzioneve të kujtdo tjetër, të çdo fuqie tjetër, të çdo influence tjetër, se Shqipëria mund të shkojë në një drejtim tjetër, përveçse në drejtimin ku dielli lind aty ku perëndon, siç thoshin rilindësit tanë", deklaroi pak ditë më parë kryeministri Rama.
duam me llafe, ne e duam me fakte një Maqedoni të fortë, stabël, demokratike, të zhvilluar, në mirëqenie dhe në harmoni mes dy popujve që e formojnë atë, për të ardhur tek kjo ditë". Por më tej ai shtoi: "Hapja e negociatave me BE është edhe fundi i të gjitha iluzioneve të kujtdo tjetër, të çdo fuqie tjetër, të çdo influence tjetër, se Shqipëria mund të shkojë në një drejtim tjetër, përveçse në drejtimin ku dielli lind aty ku perëndon, siç thoshin rilindësit tanë".