Shqipëria zgjidhet zv. presidente e Bordit Ekzekutiv të Agjencive të OKB

Përfaqësuesja e Përhershme, Besiana Kadare merr mandatin

Shqipëria

ka arritur që të marrë drejtimin e agjencive të OKB- së, në një pozicion si nr. 2 i bordit ekzekutiv të tyre. Lajmi u konfirmua nga Ministria e Jashtme shqiptare. Shqipëria përfaqësohet me postin e zv. presidentes së Bordit Ekzekutiv të përbashkët të UNDP/ UNFPA/ UNOPS për vitin 2018. Ka qenë Besiana Kadare, vajza e shkrimtarit të madh shqiptar, e cila është një diplomate karriere, që si përfaqësuesja e përhershme e Republikës së Shqipërisë në Organizatën e Kombeve të Bashkuara, që është zgjedhur zëvendëspresidente e Bordit Ekzekutiv të përbashkët të tri Agjencive të OKB- së. E më konkretisht, e Programit të Zhvillimit ( United Nations Development Programme), Fondit të Popullatës ( United Nations Population Fund) dhe Zyrës për Projekte Shërbimesh ( United Nations Office for Project Services). Zgjedhja në këtë organ të rëndësishëm që monitoron zbatimin e programeve dhe planit strategjik të këtyre agjencive të OKB- së dëshmon angazhimin e Shqipërisë për të luajtur një rol më aktiv në fushën e zhvillimit të qëndrueshëm, veçanërisht në kuadrin e zbatimit të ' Agjendës 2030' dhe arritjes së objektivave të zhvillimit të qëndrueshëm. Mandati i Shqipërisë përkon me fillimin e zbatimit të planeve strategjike për katërvjeçarin 2018- 2021 të UNDP/ UNFPA/ UNOPS. Kjo i jep mundësinë Shqipërisë që të japë një kontribut në fushën e zhvillimit të qëndrueshëm, qeverisjes demokratike, barazisë gjinore dhe përballjes me ndryshimet klimatike.