Prangosja e deputetëve, PD e LSI: S'arrestohen ' peshqit e mëdhenj'
Ndryshimi i rregullores, mblidhet sot Këshilli i Legjislacionit të Kuvendit Procedura, deputetët marrin në pyetje prokurorët Ndryshimet, Balla: Diskutuam me PD. Spaho: Gënjen
Më 30 mars 2017, PS dhe LSI votuan me 84 vota këto ndryshime, nga 84 vota që kërkojnë ligjet me shumicë të cilësuar. Këto ndryshime parashikonin që në rastet kur prokuroria të sillte në Kuvend një kërkesë për të arrestuar një deputetët, bashkë me raportin duhet të sillte edhe provat.
Partia Demokratike dhe Lëvizja Socialiste për Integrim kundërshtojnë hapur projektvendimin e PS- së, që kërkon të ndryshojë rregulloren e Kuvendit, që ka për qëllim bllokimin e arrestimit të deputetëve. PS- ja kërkon ndryshime në rregulloren e Kuvendit, ku për herë të parë specifikohet se prokuroria duhet të sjellë prova në Këshillin e Mandateve kur kërkon autorizim për arrestimin e një deputeti. Por mbi këtë nismë reagoi dje ashpër kryetari i PD- së, Lulzim Basha, i cili në një dalje të posaçme për gazetarët akuzoi kryeministrin Edi Rama, duke thënë se ka propozuar një ligj të posaçëm për të mbrojtur "peshqit e mëdhenj" nga arrestimi. Z. Basha deklaroi se partia që ai drejton do ta kundërshtojë këtë akt të Ramës, që sipas tij, synon që asnjë ministër apo deputet i korruptuar dhe i lidhur në krim të mos dalë para drejtësisë. "Të gjithë ata që prisnin arrestimin dhe vënien para drejtësisë së ' peshqve të mëdhenj' duhet të kënaqen me ' cironka'. Zhbënë shtyllën kryesore të reformës në drejtësi", deklaroi z. Basha. Sipas tij, "propozimi e kthen Kuvendin në gjykatë, ndërsa struktura e posaçme antikorrupsion dhe Byroja Kombëtare e Hetimit kthehen në një organizatë joqeveritare", u shpreh kreu i PD- së. "Kjo do ta kthejë SPAK dhe Byronë e Hetimit në një OJF, sepse i gjithë pushteti për të vendosur nëse politikanët e korruptuar dhe të lidhur me Përmes ndryshimeve në rregulloren e Kuvendit, socialistët propozojnë që prokuroria në Kuvend duhet të paraqesë fakte mbështetëse, ndërsa prokurorët do të merren në pyetje nga ana e deputetëve në rastet kur kërkohet autorizimi për arrestimin e ligjvënësve.
krimin do të paraqiten para drejtësisë apo jo do të jetë i mazhorancës, i Edi Ramës", u shpreh kreu i opozitës. Në të njëjtën linjë me demokratët janë edhe LSI e Monika Kryemadhit. Kreu i deputetëve të LSI- së, Petrit Vasili akuzoi: "PS kërkon të krijojë një koracë akoma më të pakapërcyeshme për çdo çështje korruptive apo të rëndë kriminale për push-
tetarë apo deputetë të saj. Nuk mbështesim ndryshimet e rregullores, është farsë e shëmtuar. Duhet t'i dalin për zot ata që e iniciuan në kushtet e një parlamenti që funksionin si parlament partiak me dy kryetarë socialistë, një de jure e një de fakto". Projektvendimi i ndryshimit të rregullores do të diskutohet të premten në orën 10 në Këshillin e Legjis- lacionit të Kuvendit. Ndryshimi i rregullores së Kuvendit në pikën e procedurës në bazë të së cilës mazhoranca refuzoi në parlament kërkesën për autorizimin e arrestimit të Saimir Tahirit ka rikthyer debatet politike. Socialistët propozojnë që prokuroria në Kuvend duhet të paraqesë fakte mbështetëse, ndërsa prokurorët do të merren në pyetje nga ana e deputetëve në rastet kur kërkohet autorizimi për arrestimin e ligjvënësve. Sipas tyre, ky projektvendim kërkon që të qartësojë rregullat, kushtet dhe procedurat për arrestimin e deputetëve, duke vënë si kusht paraqitjen e provave bindëse nga ana e prokurorisë.
Kreu i grupit parlamentar socialist, Taulant Balla shpjegoi dje propozimin e partisë së tij për ndryshime në rregulloren e Kuvendit, ku për herë të parë specifikohet se prokuroria duhet të sjellë prova në Këshillin e Mandateve kur kërkon autorizim për arrestimin e një deputeti. Balla deklaroi se për projektvendimin, PS është bazuar dhe detyruar nga Kodi i Procedurës Penale. Ai shtoi se projektvendimi ka për qëllim që të sjellë rregulloren e Kuvendit në të njëjtën linjë me Kushtetutën dhe nuk ka asnjë ndryshim tjetër. Më vjen keq që personi që ka folur sot, Basha, nuk dika që kemi votuar me 140 vota ndryshimet Kushtetuese të një viti më parë, që janë fjalë për fjalë sikur janë në ndryshimet edhe të 2012ës, atëherë për kufizimin e imunitetit. Kur ndaj një deputeti kërkohet masë sigurie, kërkesa shoqërohet me një relacion, ku është ndryshimi këtu?", deklaroi Balla. Ai shtoi se për nevojën e ndryshimeve e ka diskutuar edhe me kryetarin e grupit të PD, Spaho. Por, sipas kreut të deputetëve të PD- së, Edmond Spaho: "Taulant Balla paska thënë që për ndryshimin e rregullores se Kuvendit, ku kërkohet që për arrestimin e deputetëve prokuroria të paraqesë edhe provat që disponon, paska marrë edhe miratimin e Partisë Demokratike. Kjo është gënjeshtër fund e krye. PD nuk ka bashkëpunuar, negociuar apo rënë dakord për këtë çështje me PS dhe nuk do ta bëjë këtë gjë as në të ardhmen, sepse ne nuk mund të pranojmë të shkelim Kushtetutën e vendit. Ky ndryshim është ide e Edi Ramës, që synon të mbrojë veten, hajdutët e tij në qeveri dhe kriminelët që mban pas nga drejtësia dhe zemërimi qytetar".