Naftëtarët e ARMO- s, protestë para prefekturës: Qeveria tallet me ne
Kërcënon sindikata: Do të ngremë çadrat para Kryeministrisë "Të rivihet rafineria në punë. Duam pagat e prapambetura, s'pranojmë të trajtohemi me asistencë"
Një ditë pas dek laratës së ministrit të Financave, Arben Ahmetaj, drejtuar naftëtarëve të Ballshit dhe Fierit për të aplikuar për pagesën e papunësisë, ata janë ngritur në protestë. Qindra naftëtarë të rafinerisë së Fierit dhe Ballshit u shprehën kundër vendimit të Ahmetajt për nxjerrjen e 1200 punonjësve si të papunë dhe trajtimin e tyre me asistencë sociale. Ata thanë se qeveria është tallur me ta dhe me kërkesat e tyre dhe se nuk do ta pranojnë mbylljen e rafinerisë. Gjithashtu, pjesëmarrësit në tubim deklaruan se do të përshkallëzojnë protestat, nëse nuk u paguan pagat e prapambetura e siguracionet dhe nëse nuk kthehen në punë. 1200 punëtorë kanë mbetur pa punë pas largimit të kompanisë "IRTC Oil", e cila kishte menaxhimin e kësaj rafinerie.
PROTESTA
"Ne nuk pranojmë të trajtohemi me asistencë. Kërkojmë pagat e prapambetura si dhe rifillimin e punës. Protesta jonë nuk është politike. Ne nuk jemi me protestën e opozitës në 27 janar, ne duam bukë. Këtu nuk ka faj kryeministri, por ata ministrat e tjerë.
Do të ngujohemi këtu, nuk do të lëvizim. Fieri voton vetëm për PS- në dhe PSja na groposi", u shprehën të revoltuar naftëtarët. Ndërkaq, ata i bënë thirrje ministrit të Financave, Arben Ahmetaj që të shkojë në Fier dhe të shikojë gjendjen reale të tyre e të kompanisë dhe jo të bëjë deklarata nga Tirana. Gjithashtu, protestuesit pohuan se, "ne duam drejtësi dhe drejtësinë ta bëjë Edi Rama. Paratë që ministri të na japë ne, t'i vendosë në dispozicion të kompanisë dhe specialistët që kemi dhe ne do e vendosim në punë. Nëse nuk na jepni zgjidhje, na shtypni edhe ne me makinë". Një vit pas rivënies në punë nga një firmë amerikane e regjistruar në bashkëpunim me një firmë shqiptare, rafineria e vetme përpunimit të naftës në Shqipëri, ARMO është mbyllur, ndërsa grupi investitor "IRTC Oil" është larguar. Firma amerikane e regjistruar në ishujt Virxhin në bashkëpunim me një shqiptare e vuri në punë ARMO- n në shtator të vitit 2016, ndërsa prej disa javësh është larguar duke lënë edhe 60 milionë dollarë borxhe pranë autoriteteve fiskale në
Shqipëri. Burime zyrtare bënë me dije se Drejtoria e Tatimeve ka nisur shkresë në të gjitha bankat e nivelit të dytë për të bllokuar llogaritë e firmës.
SINDIKATA
Kundër deklaratës së ministrit Arben Ahmetaj ka dalë dhe sindikata, duke kërkuar që të rivendosë në punë rafinerinë e ARMO- s sa më shpejt dhe të shlyejë detyrimet për 1200 punëtorët të uzinës së Fierit dhe të Ballshit. "Ministri të tërheqë deklaratën. Kompania ' IRTC Oil' të bëjë larjen e detyrimeve, të rivendoset në punë rafineria. Ky është një rast i përsëritur se
zgjidhja nuk ka qenë definitive. Qeverisë i mungon dëshira për ta zgjidhur problemin. Mungon vetëm lënda e parë dhe kjo çështje mund të zgjidhet. Rafineria të kthehet në shtet", thanë sindikalistët për mediat. Ndërsa, u shprehën se nuk do të pres-
in pafund qeverinë. "Nëse do të dështojnë të gjitha mënyrat e bisedimeve, do të ngremë çadrat para Kryeministrisë deri në zgjidhjen e problemit. Protesta do të jetë shumë e madhe. Këtu bëhet fjalë për ekzistencën e një zone të tërë". Një vit pas rivënies në punë nga një firmë amerikane e regjistruar në bashkëpunim me një firmë shqiptare, rafineria e vetme përpunimit të naftës në Shqipëri, ARMO është mbyllur, ndërsa grupi investitor "IRTC Oil" është larguar. Firma amerikane e regjistruar në ishujt Virxhin në bashkëpunim me një shqiptare e vuri në punë ARMO- n në shtator të vitit 2016, ndërsa prej disa javësh është larguar duke lënë edhe 60 milionë dollarë borxhe pranë autoriteteve fiskale në Shqipëri.