Njëvlefshmëri diplomash për ata që kanë studiuar jashtë

Udhëzimi i Ministrisë së Arsimit: Dokumentacioni që duhet të dorëzoni pranë Qendrës së Shërbimeve Arsimore Kriteret që duhen plotësuar nga nxënësit e parauniversitarit

Të gjithë ata nxënës që kanë përfunduar ar simin parauniversitar jashtë vendit mund të bëjnë njëvlefshmërinë e dëftesave dhe diplomave sipas kritereve të përcaktuara. Në udhëzimin e ndryshuar të Ministrisë së Arsimit, Sportit e Rinisë, specifikohen procedurat që duhen ndjekur si dhe dokumentacioni që duhet dorëzuar. Përkatësisht, nxënësit duhet të paraqitin pranë DAR/ ZA- ve një kërkesë për njëvlefshmërinë e deklaratë me shkrim të prindit si dhe dokumentet e vijueshmërisë së klasës, të përkthyera e të noterizuara, të pajisura me vulë apostile të shtetit nga vijnë.

KRITERET DHE PROCEDURAT

Qendra e Shërbimeve Arsimore në vendin tonë është institucioni që kryen procedurat e njëvlefshmërisë së diplomave të arsimit të mesëm për nxënësit e ardhur nga jashtë Shqipërisë. Pas njehsimit të dëftesave, këta të rinj mund të vijojnë studimet e tyre në arsimin e lartë apo të punësohen, e vlen të theksohet se kjo procedurë kryhet gjatë gjithë vitit. Ndërkohë, nxënësit e ardhur nga jashtë vendit, për të ndjekur studimet në institucionet e arsimit të lartë në Shqipëri duhet të dorëzojnë pranë QSHA- së një formular aplikimi si dhe një diplomë me listën e notave të të gjithë viteve të shkollimit. "Sekre- tariati Teknik i Komisionit të Posaçëm paraqet për vendimmarrje në Komisionin e Posaçëm vetëm dokument- et/ aplikimet për njëvlefshmëri që rezultojnë të plotësuara sipas kërkesave të përcaktuara në udhëzim. Kur sekretariati vëren mangësi në dokumente/ aplikim i kthen përgjigje me shkrim aplikantit, duke specifikuar arsyet pse nuk i njëvlerësohet dokumenti i shkollimit",- theksohet në udhëzimin e firmosur nga ministrja e Arsimit, Lindita Nikolla. Ndërkaq, ky komision, brenda 5 ditësh, shqyrton e harton dokumentin e njëvlefshmërisë ku përcakton indeksin e shkollës së kryer, si dhe notën mesatare për të gjitha vitet e arsimit jashtë vendit. Gjithashtu, në këtë dokument përcaktohet edhe nota mesatare e përgjithshme e njëvlerësuar dhe notat e njëvlerësuara me provimet e Maturës Shtetërore në Republikën e Shqipërisë. Në Udhëzim citohet se njëvlefshmëria e rezultateve të arritura në shtetin përkatës duhet të kryhet në përputhje me tabelën e konvertimit të notave. Më tej, Komisioni i Posaçëm njëvlerëson lëndën që përcakton njohuritë gjuhësore dhe letrare të shtetit nga vjen nxënësi, me lëndën "Gjuhë shqipe dhe letërsi". Në fund të gjithë procedurave të sipërpërmendura, është QSHA- ja ajo që pajis nxënësin e ardhur nga jashtë Shqipërisë me dokumentin e njëvlefshmërisë, i lëshuar në dy kopje origjinale.