Sherr në pediatrinë e QSUT, polici privat kërcënon me armë
Shoqërohen në komisariat tre baballarët për sqarimin e rrethanave Uniformat blu: Shkak i konfliktit, radha e vizitës
Një incident ka ndodhur dje në Urgjencën e Pediatrisë në QSUT, ku prindërit e 3 fëmijëve që prisnin në radhë janë konfliktuar. Situata u agravua deri në atë pikë sa njëri prej tyre ka nxjerrë armën në formë kërcënimi. Ky veprim ka shkaktuar panik në radhët e prindërve dhe fëmijëve që ndodheshin në korridorin e pediatrisë. Dëshmitarët tregojnë se mes tre baballarëve debati ka nisur verbalisht dhe ka përfunduar deri në grushte. Bëhet me dije se personi i cili ka nxjerrë armën për të kërcënuar tjetrin, është punonjës i një policie private.
NGJARJA
Tre prindër janë konfliktuar ditën e djeshme rreth orës 13: 20 në Urgjencën e Pediatrisë në QSUT. Dy prej tyre kanë tentuar të hynë në dhomën e mjekut, por një i tretë me profesion polic civil u ka kërkuar të respektojnë radhën me fjalët se të gjithë janë për urgjencë. Pas kësaj kanë nisur të sharat dhe ofendimet, ndërsa dëshmitarë okularë thanë se dy personat kanë goditur në fytyrë policin, i cili në gjaknxehtësi ka nxjerrë armën duke e mbushur atë në sy të dhjetëra fëmijëve dhe prindërve të tjerë që ndodheshin në radhë. Sapo kanë parë armën në dhomën e vogël të urgjencës pediatrike ka shpërthyer paniku dhe të gjithë kanë vrapuar të fshihen, duke dalë jashtë ndërtesës e të tjerë janë fshehur në dhomat e shtrimeve ditore. Disa prindër kanë ndërhyrë për të ndarë sherrin që mund të kishte marrë për- masa të mëdha. Në pak minuta kanë mbërritur pranë këtij shërbimi disa njësi të forcave "Shqiponja", që kanë shoqëruar në komisariat agresorët dhe policin që nxori armën. Në komunikatën e shpërndarë për mediat, policia e Tiranës deklaron se mbajtësi i armës me inicialet A. C. është polic privat. Policia pohon variantin se shkak i sherrit është bërë radha e vizitës dhe se në të janë përfshirë 3 prindër që prisnin për të vizituar fëmijët. Por policia nuk thotë asnjë fjalë për dhunën fizike ndaj punonjësit Në lidhje me këtë ngjarje, policia e Tiranës deklaroi se mbajtësi i armës me inicialet A. C. është polic privat. Policia pohon variantin se shkak i sherrit është bërë radha e vizitës dhe se në të janë përfshirë 3 prindër që prisnin për të vizituar fëmijët. të policisë private. Sipas policisë, dy prindërit e tjerë me inicialet A. Sh. dhe D. F. u kanë deklaruar grupeve të gatshme se polici privat u ka treguar armën që mbante me vete. Të tre personat janë shoqëruar në komisariat për sqarimin e rrethanave.