Si u lirua tri javë më parë i "forti" i Shijakut, Durim Keçi
42- vjeçari përfitoi nga amnistia dhe periudha e qëndrimit në paraburgim Gjykata e Durrësit njohu vendimin e dënimit me 8.9 vite burg dhënë nga autoritetet në Xhenova
Durim Keçi nga Shi jaku, i cili u arrestua në tetor të vitit që shkoi për llogari të autoriteteve italiane është lënë i lirë tri javë më parë. 42- vjeçari i përfolur si mik i politikanëve të majtë i është drejtuar prokurorisë me një kërkesë se mbahej me të padrejtë në burg, duke paraqitur edhe vendimet e kryerjes së dënimit në Itali. Ndërkohë, mësohet se ai u la i lirë, pasi Gjykata e Durrësit ka bërë njohjen e vendimit penal të huaj të gjykatës së Xhenovë, e cila e kishte dënuar për veprat penale: "Trafikim të lëndëve narkotike", "Pjesëmarrje në organizatë kriminale me qëllim trafikimin e lëndëve narkotike" dhe "Shfrytëzim prostitucioni". Por, pas arrestimit të tij më 11 tetor të vitit që shkoi, mësohet se nuk ka pasur kërkesë nga autoritetet italiane për ekstradimin e tij në Itali. Në vendimin e lirimit bëhet me dije se autoritetet e vendit fqinj kanë kërkuar konvertimin e dënimit me 8.9 vite burg të dhënë nga gjykata e Xhenovës për Durim Keçin. Sipas "Shqiptarja. com", një muaj pas vënies në pranga, autoritetet italiane ndryshuan kërkesën për Keçin nga ekstradim, në njohje të vendimit penal italian në Shqipëri. Fillimisht në Itali, Keçi ishte dënuar me 13.3 vite burg, ndërsa më pas përfitoi ulje për shkak të amnistisë, por edhe për faktin se dënimi për trafik droge në Itali është i lehtë në Shqipëri, duke shkuar në favor të Keçit konvertimin. Më 5 janar të këtij viti, Gjykata e Durrësit ka pranuar kërkesën e prokurorit Gëzim Veizi, duke i njohur dënimin italian me 8.9 vite heqje lirie. Në këtë vendim Gjykata e Durrësit shprehet si më poshtë: "… I zbritet periudha e dënimit të vuajtur në paraburgim në Itali, nga data 25.05.2002 deri më datë 19.12.2005, i ulet dënimi për efekt të amnistisë italiane prej 3 vitesh dhe i ulet periudha e paraburgimit e vuajtur në Shqipëri nga momenti arrestimit për llogari të ekstradimit në Itali, datë 11.10.2017…". Pra, megjithëse ia ka njohur si vendim dënimi, Gjykata e Durrësit njëherësh i ka njohur dhe amnistinë në Itali dhe periudhën e paraburgimit në këtë shtet. Për pasojë sipas llogaritjeve, Durim Keçit i është ulur thuajse e gjithë masa e dënimit, duke i mbetur për të vuajtur gati një muaj burgim. Edhe kjo periudhë është ezauruar dhe për Më 11 tetor të vitit 2017, policia bëri me dije se u arrestua Durim Keçi, lindur në Shijak dhe banues në Durrës, i dënuar me 9 vjet e 7 muaj burg. Në këtë njoftim thuhej se Keçi është dënuar nga Gjykata e Xhenovës në Itali me vendimin nr. SIEP 294/ 2013 dt. 21.02.2014 me 9 vjet e 7 muaj e 22 ditë burg për veprat penale: "Dhunë, kërcënim dhe nëpërkëmbje të autoriteteve gjyqësore", "Shkatërrim prone me pasoja të rënda", "Trafikim të lëndëve narkotike", "Krime me armë kundër personit", "Pjesëmarrje në organizatë kriminale me qëllim trafikimin e lëndëve narkotike" dhe "Shfrytëzim prostitucioni".
pasojë nga ana e drejtorisë së burgut dhe Prokurorisë së Durrësit është urdhëruar lirimi i tij ditën e djeshme.